Japalayquino mana sienticunayquipaj waquincunata yanaparcuy | ¿Ima nintaj Biblia?

Cay munducho chaychica runacunami japalanno sienticärin. Waquin doctorcuna nipäcun japalanno sienticoj runacunaga waquincunata yanapanman chayno mana sienticunanpaj.

• “Nacaycaj runacunata yanapaptinchega cushichimanchimi y yanapämanchi achca runacunata reguinapaj y chaynopa japalanchino manana sienticunapaj” (Institutos Nacionales de la Salud, de Estados Unidos).

Biblia yachachimanchi imata rurashwan waquincunata yanapänapaj. Y nimashganchita cäsucuptinchega mananami japalanchino sienticushunchu.

Caycunatapis ruranquiman

Garacoj y yanapacoj cay. Imalayquiwanpis waquincunata yanapanquiman. Tiempuyquitapis camacächinquiman waquincunata yanapaj aywanayquipaj. Garacoj y yanapacoj runa captiquega waquincuna agradecicushunqui y ali amigucunatapis tarinqui.

• Biblia nishgan: “Pï-maytapis goycuptiquega gamtapis chaynöllami goycushunquipaj” (Lucas 6:38, Tayta Diosninchi Isquirbichishan).

Tiempuyquitapis camacächiy. Pilapis nacaycaptenga yarpachacuy imano yanaparcunayquipaj. Imalapapis pasaycashganta wilapäshuptiqui cuyacuywan y atentula mayapay, jina ali sienticunanpaj imalachopis yanaparcunquimanmi.

• Biblia nishgan: “Ali amïguqa amïgunta manami imaypis kacharintsu” (Proverbios 17:17, Tayta Diospa Wilacuynin).

Ali amigucunata tariyta munarga, caytapis leiriy “La familia y los amigos”.