ALI CAWANAPAJ

¿Listunacu caycanqui imata ruranayquipaj guellay pishiptin?

¿Imanirtaj almiracushwanchu may chaychopis guellayta tarinapaj sasa captin? Último tiempupa ushacashganchonami cawaycanchi, chaymi Bibliaga consejamanchi ‘ima aycanchimanpis mana yäracunapaj’ (1Ti 6:17; 2Ti 3:1). ¿Imanotaj rey Jehosafat rurashganga yanapämanchi guellay pishiptin?

Chiquejnincuna israelitacunata atacananpaj aywaptimi, Jehosafatga Jehovaman yäracurgan (2Cr 20:9-12). Jinamanpis mayna alistacurgan: murallacunata sharcachergan y soldaducuna cananpäpis churarganmi (2Cr 17:1, 2, 12, 13). Sasacuna manaraj pasacuptin alimi canga Jehovaman yäracur noganchipis mayna alistacuptinchi.

¿IMATATAJ RURASHWAN LISTUNA CAYCÄNAPAJ GUELLAY PISHIPTIN?

Jehovawan más amigo canayquipaj calpachacuy. Charashgayquicunalawan contentacuy y junaj junajpaj necesitashgayquicunata Jehová camaripäshunayquipaj yäracuy (Mt 6:26; 1Ti 6:8). Imaypis yarpaychu Diospa mandamientuncunata mana cäsucur necesitaycashgayquicunata tarinayquipaj (Ro 2:21). Electricidad o internet mana captin jinala Bibliapita yachacuycänayquipaj camacächiy. Chaypäga, papelcho caycaj publicaciuncunata churarächicunquiman o internetpita jorguycur chararanquiman.

Necesitaycashgayquicunata cananpaj camacächiy. Jagaman mana yaycunayquipaj gastuyquicuna alapa mana cananpaj imaycanopapis calpachacuy (Pr 22:7). Camacaptenga, mana malogracaj micuycunata y necesitaycashgayquicunata churarächicuy. Waquin sitiucunachoga, huertunchi captenga alimi canga.

CAY VIDEUTA RICÄRIY: IMANOTAJ ALISTACUSHWAN DESGRACIACUNA MANARAJ CHAYAMUPTIN. NIRCUR CAY TAPUCUYCUNAPITA PARLACAMUY:

Videupa dibujun “Imanotaj alistacushwan desgraciacuna manaraj chayamuptin”. Dibujucuna: Bibliapa, emergencia captin juc mochilapa y juc celularpa, y wasita sharcachejcuna aruycajcunapa.

¿Imanotaj alistacunquiman desgracia manaraj chayamuptin?

Your answer

Videupa dibujun “Imanotaj alistacushwan desgraciacuna manaraj chayamuptin”. Dibujucuna: Desgracia pasashgancho hermanucuna yanapacurcaycan. Waquincuna wasita sharcaycächishgancho yanapacurcaycan y juccunaga camiunpita cajacunata uraycächin.

¿Imanotaj alistacunquiman waquincunata yanapänayquipaj?

Your answer