Imanotaj shumaj yachachicuycunata tarishun

Bibliata leir maslata tantiarcunapaj ashiptinchega, shumaj yachachicuycunata tarishun. Pero, ¿imatataj rurashwan maslata yachacushganchi yanapämänanchipaj?

Leishganchicho ima ayca pasashganman yarpachacushwan. Ali canman yarpachacunapaj, ¿pitaj chay wilacuyta escribirgan, imaytaj y pipataj cargan? ¿Imacunapataj pasaycargan? ¿Unaycho y nircur imano cashgan?

Yarpachacushwan imata yachacushganchiman. Cay tapucuycunapa respuestanta ashinanchi: “¿Chay wilacuycho yurimoj runacuna imanotaj sienticärirgan? ¿Imano runataj cashganta ricächicurgan y imataj yachachimanchi? ¿Imacunachotaj pantaycurgan y imataj ruräman paycunano mana canäpaj?”.

Yachacushganchita rurananchi. Yachachicur yargusquir o waquincunawan parlapacur yachacushganchita wilananchi. Chayta rurarmi Salmo 107:43 nishganta cäsucuycashwan: “Pipis tantiyakuq karqa tsaykunata [qonqanqatsu]”.

• Imano ruranayquipaj: Pulan semanacho “Bibliapa shumaj yachachicuynin” nishganchoga yurimun shumaj yachachicuycunata acracämushganta, chayta ricaycur gampis chaynola ruray. Cada semana yurimun juc tapucuy ruracunapaj, imacunamantaj yarpachacunapaj y dibujucunapis caycan yachacunapaj.