Dibujucunapita y fotucunapitapis ali yachacushun

Publicaciunninchicunacho achca fotucuna y dibujucunapis caycan yachacushganchicunata mana gonganapaj. Chaycunata provechanapaj, ¿imata rurashwan?

• Manaraj leir juc ratula ricapanquiman fotucunata y dibujucunatapis, chayta rurar mastarächi yachacuyta munanqui. ¿Manachu mishqui micuyta ricarga micunayquipaj munanquina? Chaynolami publicaciunninchicunata manaraj leir ‘¿ima dibujulapis caycan?’ nir tapucunquiman (Amós 7:7, 8).

• Publicaciunta leishgayqui hora ‘¿imapätaj cay fotuta churashga?’ nir tapucunquiman. Fotupa o dibujupa wilacuynincunapis captenga chaypita musyanayquipaj leinquiman, nircur yarpachacuy ‘¿imanotaj cay dibujuga leishgäta tantiachiman?, ¿cay dibujupita imacunata yachacöman?’ nir.

• Publicaciunta leiyta usharirna, dibujucunata ricanquiman imata yachacushgayquita yarparänayquipaj. Nircur nawiquita wichgarcur yarpanquiman ‘¿imatataj ricashcä? Y chayga, ¿imata yachachiman?’ nir.

• Cananga cay revistacho caycaj dibujucunata ricanquiman y yarpanquimanpis imacunapita yachacushcanqui.