Cushishgala imaypis cawanapaj libruwan yanapay Jehovaman y Jesusman más yäracärinanpaj

Bibliapita yachacuycajcuna Jehovata cushichinanpaj quiquincunami yäracuynin sinchiyachinman (Heb 11:6). Cushishgala imaypis cawanapaj libruga yanapämäshun yachacojcunapa shongunman chayanapaj. Cay librucho acracämushga textucuna, shumaj tantianapäpis ali tapucuycuna, cuyaylapaj dibujucuna y videucunapis yurimun. Yachacojcunata ali cristiano y Dioswan ali amigo cananpaj yanapashgaga, paycuna ima pruebacuna nina japuyno yurimuptinpis aguantangami (1Co 3:12-15).

Waquincunaga nipäcun: “Diosta mana ricächu imanotaj paywan amigo cashaj”. Chaymi paycunata yanapashwan Jehovata reguinanpaj y payman yäracunanpäpis.

CAY VIDEUTA RICÄRIY: JUCCUNA DIOSMAN YÄRACÄRINANPAJ “CUSHISHGALA IMAYPIS CAWANAPAJ” LIBRUWAN YANAPASHWAN. NIRCUR CAY TAPUCUYCUNAPITA PARLACAMUY:

• ¿Imanirtaj nishwan paninchega ali preparacushga caycashganta?

• ¿Ima tapucuycunataj paninchega rurargan Isaías 41:10, 13 textupita yachacoj ima yarpashganta y imano sienticushganpita wilananpaj?

• Videuta ricar y waquin Bibliapa versiculuncunata leir, ¿imanotaj yachacojga sienticurgan?

Achcaj runacuna shumaj tantianchu Jesuspa wanuynin paycunata yanapashganta y Diospa regaluntanopis ricanchu (Gál 2:20). Chaymi Jesús wanushganman yäracunanpaj yanaparcushun.

CAY VIDEUTA RICÄRIY: JUCCUNA JESUSMAN YÄRACÄRINANPAJ “CUSHISHGALA IMAYPIS CAWANAPAJ” LIBRUWAN YANAPASHWAN. NIRCUR CAY TAPUCUYCUNAPITA PARLACAMUY:

• ¿Imanirtaj nishwan wauguinchega ali preparacushga caycashganta?

• “Maslata yachacunayquipaj” nishganta, ¿imanotaj wauguiga utilizargan yachacojta yanapänanpaj?

• ¿Imanirtaj mañacuyga alapa ali caycan yachacojpaj?