Jesús “cäsukuyta yachakurqan”

Jesús imaypis Jehovata cäsucurgan (Juan 8:29). Chayno captinpis Bibliaga nin Jesús “nakarraqmi cäsukuyta yachakurqan”. ¿Imanirtaj chayno Biblia nin? (Heb. 5:8).

Jesús cay pachacho cawashganga manami cielucho cawashgannochu cargan, cay pachacho imaycacunapa pasashga. Jesuspa taytancuna Jehovata cuyarpis juchayojmi cargan, chayno captinpis Jesusga paycunata cäsucurgan (Luc. 2:51). Y luta yachachicojcunapa y fiyu autoridäcunapa culpanraycu nacargan (Mat. 26:59; Mar. 15:15). Pasaypa nacar wanurpis humilde y cäsucoj cargan wanunancama (Filip. 2:8).

Pachacho caycar imaycacunapa pasar Jesús jucnopana yachacurgan imano cäsucoj cananpaj. Chayraycu Jehová Jesusta rey y mandaj sacerdote cananpaj churargan (Heb. 4:15; 5:9). Imaycacunapa pasarpis Jesús cäsucoj cananpaj yachacushganraycu Jehovapa ricaynincho más valuryojmi cargan. Noganchipis imaycacunapa pasarpis cäsucoj cananchipaj yachacuptinchi Jehovapa ricaynincho alapa valuryojmi cashun (Sant. 1:4).