¿Lapanchi igualpa ricanacunapaj puedicanchuraj? ¿Ima nintaj Biblia?

‘Manami puedicanchu lapanchi igualpa ricanacunapaj’, chayno achca runacuna nipäcun.

•  “Colorninraycur may chaychopis mana ali tratanacäriptin cay caway vidaga más nacayman chayaycan. Chaymi runacunaga igualpa tratanacärinchu” (António Guterres, secretario general de las Naciones Unidas).

¿Imaylapis lapanchi igualpa ricanacushwanchuraj? ¿Ima nintaj Biblia?

Lapanchitapis imanotaj Dios ricamanchi

Bibliami nimanchi runacuna ima color captinpis Dios imano ricashganta.

•  “[Dios] juk runalata kamarkurmi bendicionninta churarqan atskaqman mirarkur nacionkuna maytsaychöpis kananpaq. Paymi destinarqan tsay nacionkuna imayyaq kananpaq y mujunninkuna mayyaq kananpaqpis” (Hechos 17:26, Margos Yarowilca Lauricocha, MYL).

•  “Kanan rasunpami tantiyä Tayta Dios pitapis manakaqman mana churashqanta. May nacionpita kaptinpis payta mantsakur cäsukuq kaqtaqa pïmaytapis kuyapanmi” (Hechos 10:34, 35, MYL).

Juc familialapita lapan runacuna mirashganchitami Bibliaga nin y Diosga runacuna ima color captinpis chasquinmi.

¿Lapan runacuna igualpa ricanacunanpaj puedicanchuraj?

Cielucho caycaj Diospa Gobiernunmi, lapan runacuna igualpa ricanacunanpaj logranga. Chay Gobiernumi runacunata yachachenga waquincunata ali tratananpaj. Runacunaga alina tratanacärenga ima color captinpis.

•  Pachachoga “wakin runakunapis lutan ruraykunata kacharinqa” (Isaías 26:9, MYL).

• “Maytsaychöpis alimi kawapäkunqa. Imatapis mana mantsakur imayyaqpis jawkami kawapäkunqa” (Isaías 32:17, MYL).

Cananmi maychicaj runacuna Bibliacho yachacurcaycan waquincunata respetuwan y ali tratananpaj.

•  Maslata yachacuyta munaptiquega, ¡Despertad! revistapita cay temata leiriy “¿Tiene cura el prejuicio?”

•  Taytacuna cay temapita wamrancunata yachachinanpaj cay temata leiriy “¿Cómo hablar con sus hijos sobre el racismo?”