Cientificucuna nipäcuycan Juicio Final chayamunganashi ¿ima nintaj Biblia?

2023 wata 24 enero quilla cientificucuna Reloj del Juicio Finala nishganta minuterunta witircachin pulan chacayman chayananpaj ichicla pishiycashganta, chayno rurapäcush cay mundo ushacänanpaj ichiclana pishiycashganta ricachicunanpaj.

•  “Cay martes chay Reloj del Juicio Final nishganpaj parlar ricachicun tiempuga ushacaycanna runacuna tucuynopa nacapäcuptin Ucrania naciuncho guerraraycur, bombacunata pashtachiyta munashganraycur y tiempo pasaypa mana aliman ticrashganraycur” (Servicio internacional de noticias de la agencia AFP).

•  “Cientificucuna wilacärishga chay relojchoshi pulan chacayman chayananpaj juc minuto y mediula pishiycashganta, chayga caycan ushanan junaj jananchichona caycashganta” (ABC News).

•  “Tucuy naciuncunapita cientificuna nipäcushga cay Pachacho peligro cashganraycur runacuna ilacänanpaj cajta” (The Guardian).

¿Cay Pachapis y imayca cawaycajcuna ushacangachuraj? ¿Manchacuycarlachuraj caycäshun shamoj tiempuman yarpar? ¿Ima nintaj Biblia?

Shamoj tiempucho ima pasananpaj cajta

Bibliami nin “cay pachami ichanga imaypis manami [t]rucanchu”, jina nin “alli runacunami ichanga alli pachacho tiyanga” (Eclesiastés 1:4; Salmo 37:29, Tayta Diosninchi Isquirbichishan, TDI). Chauraga runacunaga cay Pachata manami ushacächingachu; cay Pachaga imaypis cawacunapämi canga.

Ichanga Biblia wilacunmi ima ushacänanpaj. Jina ninmi mana alicuna ushacänanpaj (1 Juan 2:17).

•  Cay mundo ushacänanpaj Biblia ima nishganta maslata musyayta munarga, cay yachachicuyta leiriy: “¿Se acerca el fin del mundo? ¿Qué es el apocalipsis?”.

•  Shamoj tiempucho imacuna pasananpaj cajta Biblia ima nishganpita maslata yachacuyta munarga, caytapis leiriy: “¿Cuándo será el fin del mundo?”.

Jaucala caycäshun

Bibliaga yanapämanchimi jaucala ricacunapaj cay mundo imayca mana alicunapa pasaycaptinpis. ¿Imanotaj yanapämanchi?

•  Ali consejucunatami Diospa Palabranga goycalämanchi (2 Timoteo 3:16, 17) Jaucala ricacunapaj Biblia imano yanapämashganchita musyayta munarga, cay yachachicuyta leiriy: “Qué puedo hacer para no preocuparme tanto”.

•  Shamoj tiempucho cushi cushila imano cawanapäpis Biblia wilamanchimi (Romanos 15:4). Aumi, wilamanchimi imacunata shuyaränapaj canan y shamoj tiempuchopis, chaynopa mana yamacaypa y ganas ganasla imatapis aguantaycäshun.

Bibliapita maslata yachacurcunayquipaj, alichi canman jucla chasquicunayquipaj Bibliapita shumaj yachacurcunayquipaj.