¿Imanötaj Diosta wiyakunchi?

Diosga Palabran Bibliawanmi parlapämanchi (2 Timoteo 3:16)

Bibliachöga Diospa pensayninkunam kaykan. Paymi yupashgala runakunata escribichirgan. Jina aläpa välej cösaskunami Diospa Palabranchö kaykan, y chaykunata musyananchitam Diosga munan.

Diospita más yachajga manam pipis kanchu. Noganchipaj ima más ali kangantaga musyanmi. Payta wiyakurga, imatapis alimi rurashun (Proverbios 1:5).

Payga munan lapan runakuna Bibliata leiyänantam. Chaymi maychika idiömakunaman traducishga kaykan.

Diosta wiyakuyta munarga, Bibliatam leinanchi y ali entiendinanchi.

May chaychö maychikaj runakunam Diosta wiyakuykäyan (Mateo 28:19)

Jehoväpa testïgonkunaga listom kaykäyan Bibliapita yachachiyäshunaykipaj.

Paykunaga entero Patsachömi Diospita rasumpa kajta yachachikuyan.

Testïgokunapa reunionninkunaman aywarga Diospitam más yachakunki, y grätislam chayga.