¿Ima ninquimanraj shamoj tiempupaj?

QUIQUIN BIBLIA NINGAN

“Wagay manami canganachu. Wañuy manami canganachu. Nanächicuypis, llaquicuypis manami canganachu. Unay caj cawaycunaga llapannami ushacanga.” (Apocalipsis 21:3, 4, Tayta Diosninchi isquirbichishan.)

CAYTA MUSYAYGA IMANOTAJ YANAPÄMANCHI

Arunganchipitaga imayca alicunami canga y cushichimäshunmi (Isaías 65:21-23).

Nacaycunapitaga y tucuy gueshyacunapitaga libracäshunmi (Isaías 25:8; 33:24).

Familianchicunawan y amigunchicunawanga imaycamayajmi cushishga cawacushun (Salmo 37:11, 29).

¿IMALAPIS CANCU BIBLIA NINGANMAN CREINAPAJ?

Awmi, ishcaylata ricärishun:

• Poderyoj carmi Diosninchi chayno awnicushganta cumplinga. Bibliacho Lapanta Puëdej nirga Dioslapämi parlan, porque mana puedingan cajga manami imapis canchu (Apocalipsis 15:3). Chaymi, cay munduta mushojman ticrachinanpaj awnicushganpitaga ali seguro caycanchi. Biblia wilacungannöpis, Diosninchipäga manami imapis sasa o aja ruranan canchu (Mateo 19:26).

• Chayno awnicushganta cumplinanpäga aläpami munaycun. Bibliami wilacun wanushga runacunata sharcachinanpaj Jehová Dios alapa munanganta (Job 14:14, 15).

  Jina gueshyaycaj runacunata, Diospa churin, Jesús janpishgantapis wilacunmi. ¿Y imanirtaj rurargan? Porque shongupitami chayta rurayta munargan (Marcos 1:40, 41). Rurashganga ricächicun, paynola Taytanpis necesitajcunata yanapayta alapa munanganta (Juan 5:19).

  Cayta musyanganchimi ricächimanchi, Jehovawan Jesusga munapäcun shamoj tiempucho ali cawacunapaj cajta (Salmo 72:12-14; 145:16; 2 Pedro 3:9).