¿Pipa poderninchotaj cay Pacha caycan?

QUIQUIN BIBLIA NINGAN

“Cay pachacho juchallancho caycajcunami ichanga dyablupa maquincho carcaycan.” (1 Juan 5:19.)

‘Tayta Diospa wamran Jesusga shamushga dyablo camacächishganta ilacächinampajmi.’ (1 Juan 3:8, Tayta Diosninchi isquirbichishan.)

CAYTA MUSYAYGA IMANOTAJ YANAPÄMANCHI

Cay munducho imanir problemacuna cangantami musyashun (Apocalipsis 12:12)

Mushoj munduta chasquinapaj cajtami musyashun (1 Juan 2:17).

¿IMA PRUEBALAPIS CANCU BIBLIAMAN CREINAPAJ?

Awmi, quimsalata ricärishun:

• Satanaspa gobiernunga ushacanganami. Jehovaga decidishganami cay Pacha Satanaspa maquincho manana cananpaj cajta. Y hasta ‘Diabluta ushacächinanpaj’ y lapan mana ali ruranganta alchamunanpäpis awnicushgami (Hebreos 2:14, Traducción del Nuevo Mundo).

• Dios acrashgan reymi Jesucristo. Jesusga manami cay munduta gobernaj manchanaypaj micha Diablunochu. Jesucristupa Gobiernunpaj parlarmi cayno Dios awnicun: “Alapami cuyapanga waccha y humilde runata [...].  Nacachicoj y magacojcunapitami almanta salvanga” (Salmo 72:13, 14).

• Diosga manami lulacunchu. Ali claro wilacurmi Bibliaga cayno nin: “Diosga manami imaypis lulacunchu” (Hebreos 6:18). Rasunmi, Jehovapa awnicuynincunaga imaypis cumplicanmi (Isaías 55:10, 11). Y caymi jucnin caj awnicuynin: gobernaycaj Diablutami poderninpita garguringa (Juan 12:31).