¿Ima ninquimanraj Bibliapita?

QUIQUIN BIBLIA NINGAN

“Tayta Diosnintsipa palabrantaga quiquinmi escribitsergan.” (2 Timoteo 3:16, Mushoj Testamento, Margos—Yarowilca—Lauricocha.)

CAYTA MUSYAYGA IMANOTAJ YANAPÄMANCHI

Tapucuyninchicunapa respuestantami ali claro ricächimashun (Proverbios 2:1-5).

Imano cawacunapämi yanapamashun (Salmo 119:105).

Shamoj tiempucho ali cawanapämi pensachimanchi (Romanos 15:4).

¿IMA PRUEBALAPIS CANCU BIBLIAMAN CREINAPAJ?

Awmi, quimsalata ricärishun:

• Manami contranacunchu. 1.600 watacunachonomi Bibliataga 40 runacunano escribipäcushga. Casi mayganpis mana reguinacushga carpis, Bibliaga manami contranacunchu ni jucta jucta parlanchu.

• Convienishgancunalata mana escribishgan. Waquincunaga manami wilacunchu marcancuna ima mana alipa pasashgancunapita; pero Bibliata escribejcunaga quiquincuna pantashgancunata y naciunnincunata ima pasashgantapis lapantami escribipäcushga (2 Crónicas 36:15, 16; Salmo 51:1-4).

• Profeciancunaga imaypis cumplicanmi. 200 watacuna pishiycaptinlanami Bibliaga wilacurgan Babilonia marca ushacänanpaj cajta (Isaías 13:17-22). Y manami imano ushacänanpaj cajlatachu wilacurgan, sinoga hasta pï diriginanpaj cajpa jutintapis wilacurganmi (Isaías 45:1-3).

  Jina chaynolami waquin profeciacunapis wilacushgannola cumplicashga. ¿Imanir?, ¡Diospa Palabran carmi ari! (2 Pedro 1:21.)