13 CAJ YACHACUY

Shumaj yachachicuy yanapänanpaj cajta

Proverbios 3:21

ICHIC YACHACUY: Yachachicushgayquega wiyaycajcunata yanapanman y imacunata rurananpaj cajtapis niriy.

Imacunapa pasaycashganman yarpachacuy. Wiyaycajcuna imano sienticushganta y imacunapitana wiyayta munashganta musyar, yanapänanpaj cajta yachachicuycunata ashiy.
Yachachicushgayqui hora claro niriy imata rurananpaj cajta. Puntalapitana wiyaycajcunaga yarpapäcunman yachachicushgayquega paycunapaj caycashganta. Chaymi yachachicushgayquita ali claro tantiachicamuy imacunata rurananpaj cajta.

Cuyapaylapa y shumaj parlanayqui imano Bibliapa consejuncunata cäsucärinanpaj. Nishgayquiwanga pitapis culpayojno sientichinquimanchu. Sinoga waquincunata yanapay, shacyächiy Diosman masraj yäracunanpaj y cuyananpäpis. Paycunaman yäracuy valurcharcunanpaj alicunata rurananpaj.