25 CAJ YACHACUY
¿Imano cawacunanchitataj Diosga munan?
Bibliaga nin “runaga walca watalami cawan. Cawashganyajga fiyupami nacan” (Job 14:1). ¿Chayno cawananchitachuraj Dios munan? ¿O ali cawayta gomänanchipächuraj yarpaycan? Chayno captenga ¿imayraj canga? Bibliaga chaypämi parlamun y shumajmi wilapämäshun.
1. ¿Imano cawacunanchitataj Diosga munaycan?
Jehovaga ali cawacunanchitami munan. Unaypis Adanwan Evataga juc cuyaylapaj sitiuta gorgan. Chaychomi “bindisyunta goran cayno nir: ‘Gamcuna miray aypallaman cay pachaman juntanayquicama. Munayniquicho [lapanpis] cachun’” (Génesis 1:28). Wamrayoj capäcunatami Jehová munargan, uywacunatapis cuidapäcunanpaj y cay Pachatapis cuyaylapaj huertaman ticrachipäcunanpaj. Nacapäcunantaga yarpaylapis yarparganchu.
Ali cawaytaga ograpäcurganmi,a pero Diosga jinala yarpaycan ali cawachimänanchipaj (Isaías 46:10, 11). Aumi, cäsucoj runacunataga ali cawaytami Diosninchi tarichenga (leiriy Apocalipsis 21:3, 4).
2. ¿Canan wichanpis imanotaj cushi cushila cawacushwan?
Biblia nin: “Mas cushisha caycan Tayta Dios ninganta chrasquicur cäsucogcuna”; chaypämi Jehová camamashcanchi (leiriy Lucas 11:28, Ambo-Pasco Biblia). Payga amatar cuyananchitami munan, paylata sirvinanchita y munashganno cawananchitapis (Deuteronomio 10:12; Salmo 25:14). Nimashganchino cawanapaj calpachacurga y paylata imaypis adurarga, imacunapa pasarpis cushishgalami cawacushun.
SHUMAJ YACHACURCUNAPAJ
Yachacushun imanotaj cuyapämashpanchi cay Pachata camashga y cawaytapis imaraycur gomashganchipita Palabran ima nishganta.
3. Mana nacaypa cawacunanchitami Jehová munan
VIDEUTA ricapäcuy y caypita parlapacäriy:
Cay Pachaga imaycacunayojmi, ¿imanirtaj chayno Dios camash?
Leipäcuy Eclesiastés 3:11 (TNM) y caypita parlapacäriy:
¿Cayga imata yachachimanchi Jehovapita?
4. Unaynolami Jehová yarpaycan ali cawachimänanchipaj
Leipäcuy Salmo 37:11, 29 y Isaías 55:11 y caypita parlapacäriy:
¿Imanirtaj ninchi Jehovaga ali cawayta gomänanchipaj yarparaycanraj?
Imanomi juc wasipa ventanancuna, puncuncuna paquishga caycaptinpis alchachiptinchega shumajman ticran, chaynolami cay Pachatapis Dios shumajyachenga cuyashgan runacuna cawananpaj.
5. Jehovata aduraptinchirämi rasunpaga cushishga cawacushun
Ali cawacunapaj musyar-rämi rasunpaga cushichimanchi. VIDEUTA ricapäcuy y caypita parlapacäriy:
Terumi warmita Jehovapita yachacushgan, ¿imanopataj yanapash?
Leipäcuy 1 Juan 5:3 y caypita parlapacäriy:
Jehová cuyapaycämaptinchega y noganchipis payta amatar cuyarga, ¿imatataj rurashwan?
WAQUINCUNA NIPÄCUN: “¡Imapäraj yurishgäpis! Wanuylami lapanchitapis shuyarämanchi”.
¿Ima ninquimanraj gam?
ICHIC YACHACUY
Jehovaga munan cay Pachacho ali cawacunanchita, mana nacaypana, mana wanuypana. Canan wichanpis Jehovalata adurarga cushi cushilami cawacunchi.
Yarpänapaj
¿Imano cawacärinanpätaj Adanwan Evata Dios camargan?
¿Imanirtaj ninchi Jehovaga jinala yarpaycan ali cawayta gomänanchipaj?
¿Imataraj ruranquiman cananpis cushishgala goyäcunayquipaj?
MASLATA YACHACUNAYQUIPAJ
Imanirtaj ninchi Edén huerta rasunpa cashganta.
“Edén huertapita wilacuycunaga, ¿cuentulachuraj?” (Wilacamoj, 1 enero quilla, 2011)
Cay Pacha mana ushacangachu, yachacuy imanirtaj chayta ninchi.
“¿Cay Pacha ushacangachuraj?” (jw.org paginapita yachachicuy)
Yachacuy imapaj cawacushganchita Biblia ima nishganta.
“¿Wanuylawanchuraj caway ushacan?” (jw.org paginapita yachachicuy)
Yachacuy juc runapita, ‘alinami cawacö’ nirpis imanirtaj laquishgala ricacoj.
a Gatejnin yachacuychomi ricärishun imanirtaj ali caway ogracash.