¿Pitaj lapanta camashga?

‘Gammi [Dios] pïmaytapis cawayta gonqui’ (Salmo 36:9). Waquin runacuna nipäcun quiquilanchi yurimushganchita, mana pipis camamashganchita; chauraga yangalash cawacunchi, yangalash calpachacunchi. Nircurpis achcajmi tapucärin ‘Jehová camamashcanchi captenga ¿manachuraj ali cawayla canman?’ nir.a Canan yachacuy imapätaj Dios camamashcanchi y imanirtaj chayman creishwan.

1. ¿Imanotaj cielucho caycajcuna y Pachacho caycajcuna yurimushga?

Biblia nin: “Gallarinancho manaraj imapis captin Tayta Dios camaran syëlutawan cay pachata” (Génesis 1:1). Imaycata estudiajcunapis nipäcun imaycacunapis japalan mana yurimushganta. Chayga rasunmi, Diosga poderninwanmi (espíritu santunwan) imaycatapis camashga: cielucho cajcunata, Pachacho cajcunatapis (Génesis 1:2).

2. ¿Imapäraj Pachata Dios camashga?

“Payga camashga manami chunyaj cananpächu. Chaypa ruquenga camasha chaycho cawajcuna tiyananpämi” (Isaías 45:18). Jehovaga Pachata cuyaylapa camashga chaycho runacuna imaycamapis tänanpaj (leiriy Isaías 40:28; 42:5). Runacuna alapami almiracärin cay Pachacho ima ayca cashganpita, cayno vidaga manami juc laducunacho canchu.

3. ¿Nishwanchuraj uywacuna runacunawan igual cashganta?

Pachata camarcur-rämi Jehová camashga plantacunata y uywacunatapis. Nircur “quiquin nirajtami runata Tayta Dios camargan” (leiriy Génesis 1:27). ¿Imanirtaj runacunaga uywacunapita jucno camashga canchi? Diosga quiquin nirajtami camamashcanchi, chaymi cuyacoj canchi y ali cajtapis ruranchi. Nircur ima casta rimaytapis yachacunchi, tucuy niraj colurcunata ricanchi y musicata wiyarpis cushicunchimi. Uywacunaga Diosta manami aduranchu, runacuna ichanga Payta sirvinchi.

SHUMAJ YACHACURCUNAPAJ

Tantiarcushun imanirtaj ninchi Dios lapanta camashganta y Biblia chaypita parlaptenga imanir yäracuypaj cashganta. Nircur tantiarcushun quiquin runacuna imano cashganta, chayta musyaycur Diospita imata yachacunchi.

4. ¿Pitaj camashga lapan cawajcunata?

Runacunaga plantacunata y uywacunata ricaycurmi imatapis fabrican, chayraycurmi premiutapis chasquipäcun, pero lapan camashga cajcunapa guepanchoga ¿pitaj caycan? VIDEUTA ricapäcuy y caypita parlapacäriy:

VIDEO: ¿Cancu juc Dios? (2:43)

• Dios camashgancunata ricar, ¿imacunataj runacuna rurapäcushga?

Wasipis runa sharcachiptinrämi caycan. Chauraga ¿pitaj camashga lapan ricaycashganchicunata? Leipäcuy Hebreos 3:4 y caycunapita parlapacäriy:

• Dios camashgancunata ricar, ¿maygantaj gampäga más cuyaylapaj?

• ¿Rasunpachuraj Dios lapanta camashga? ¿Imanirtaj chayta ninqui?

¿Mayashcanquichu?

“¿Lo diseñó alguien?” y “Opiniones sobre el origen de la vida” nej yachachicuycunata y videucunata tarinayquipaj jw.org paginacho ashiy.

“Wayipis albañil sharcachiptinrämi can. Chaynolami Tayta Dios camaptinraj lapanpis caycan”.

5. Bibliaga nin Dios lapanta camashganta, chayga yäracuypämi

VIDEO: ¿Pacha y cielupis camashgacu cashga? (waquilanla) (3:51)

• Sojta junajcunacho Dios lapanta camashga nerga, ¿parlaycanchichuraj 24 horacunayoj junajcunapita?

• ¿Yäracuypächuraj caycan ‘Dios lapanta camashga’ nerga? ¿Imanirtaj chayta ninqui?

Leipäcuy Génesis 1:1 y caypita parlapacäriy:

• Imaycata estudiaj waquin runacuna nipäcun imapis japalan mana yurimushganta, ¿ima nintaj Biblia chaypita parlamuptin?

Runacuna yarpapäcun galananlachoga imatapis Dios camashganta y tiempuwanga chay camashgancuna japalanla uywamanpis runamanpis ticrashganta. Leipäcuy Génesis 1:21, 25, 27 y caycunapita parlapacäriy:

• ¿Ima nintaj Biblia uywacunapita y runacunapita? ¿Nishwanchuraj quiquilan yurimushganta o Dioschu jucnin jucnintapis camashga?b

6. Diosga runacunalatami quiquin nirajta camashga

Runacunaga uywacunapita jucnomi canchi. Leipäcuy Génesis 1:26 y caypita parlapacäriy:

• Quiquin nirajtami Dios camamashcanchi, chaymi laquipäcoj y cuyapäcoj canchi. Cayta musyarga ¿imataj Jehovapita yachacunqui?

ICHIC YACHACUY

Cielucho caycajcunata y Pachacho caycajcunatapis Jehovami camashga.

Yarpänapaj

• ¿Imataj Biblia yachachicun lapanpis imano rurashga cashganpita?

• ¿Nishwanchuraj uywacunapis runacunapis cananpaj, tiempuwanraj ticrashganta? ¿O canan imano cashganchitanochu Dios camamashcanchi?

• ¿Ima nishwantaj imano camashga cashganchipita?

MASLATA YACHACUNAYQUIPAJ

Imaycacunapa guepancho pï caycashganta yachacunayquipaj caycan.

“¿Imataj yachacunchi cay Pachacho lapan caycajcunapita?” (¡Ricchayna!, setiembre 2006)

Ricäriy imano juc tayta wamranta wilapan Dios camashgancunata.

“Jehová lapan imaycatapis camashga” (2:37)

Leircuy runacuna yachachicushgan Biblia nishganwan tincushganta.

“¿Evolución nishganwancu imaycatapis Jehová camashga?” (jw.org paginapita yachachicuy)

Compruebe lo que el registro fósil y los experimentos científicos indican: si la vida se originó por casualidad o si alguien la creó.

El origen de la vida. Cinco cuestiones dignas de análisis (Folleto)