Imano ruracänanpaj: Ali Cawanapaj y Yachachicunapaj reuniunninchipaj

Yachachicuycuna

1. Ali Cawanapaj y Yachachicunapaj reuniunga, Imano ruracänanpaj cajwan y Imano yachacunapaj: Ali Cawanapaj y Yachachicunapaj reuniunninchipaj wilacushganno ruracämunga. Lapancunata yanapärishwan naupaman yarguycur Diospita yachachicämunanpaj. Shaycämoj ali shonguyoj runacunapis, Bibliapa yachachicuyninta chasquir y Dios munashganno cawaycarga, naupamanpis yargunman. Ali Cawanapaj y Yachachicunapaj reuniunta ricajga naupacho yachachicunapaj munajcunawan parlanga, musyachicunanpaj listo caycashganta o mana. Chaycho caycanmanpis Bibliapita payta yachachicoj (o testigo caj taytan o maman). Congregaciunwan predicayta munajcunapaj cajpita parlarcunman (od-S cap. 8 párr. 8).

GALAYCUNAPAJ

2. Juc minuto. Puntataga cantanchi y mañacunchi, chaypitana Ali Cawanapaj y Yachachicunapaj reuniunta pushacoj waugui, wilacaramunga imacunapita yachacunapaj. Jina pushacoj waugui congregaciuncho caycajcunata ima yanapananpaj cajlapita parlacaramunman.

BIBLIAPA SHUMAJ YACHACHICUYNIN

3. Naupacho yachachicoj: Chunca minutucuna. Naupapitaga juc ancianumi yachachicaramunman, jina Bibliata shumaj tantiachicamoj siervo ministerialpis. Chaypäga Imano yachacunapaj nishganwan yachachinman, chaychomi yurimun imacunapita parlacaramunanpaj. Bibliapa juc librunta leiyta galaycunapäga, puntata chay librupa videuntarämi ricärishun. Yachachicamoj wauguiga, yachachicuyninta tincunchinman videupa wilacuynincunawanpis, y mana gongarinmanchu Imano yachacunapaj nishganpita yachachicamuytapis. Jinamanpis tiempo captenga, dibujucunapita y waquin yachachicuycunapitapis parlacaramunmanmi. Jina ali yachachicämunanpaj juc publicaciuncunapita jorgamunman, ichanga yachachiycashganlapita canman.

4. Shumaj yachachicuyta ashishun: Chunca minutucuna. Caytaga, tapucuycunata rurapaylapami juc anciano o siervo ministerial ruramunga. Ishcay tapucuycunatami tapucamunman. Jinamanpis paypitami canga lapan textucuna leicämunanpaj o manapis. Hermanucunaga parlacaramunman 30 segunducunacho o más walcalachopis.

5. Bibliata leinanchipaj: Chuscu minutucuna. Juc wauguimi leiramunga. Galaycunanpaj y ushananpäga manami imatapis nirinmanchu, acracämushgan textulatami leiramunman. Reuniunta pushacoj wauguimi Bibliata liejcunata yanapanga shumaj y claro leinanpaj, escribicashgannola pashtachinanpaj y janan janan mana leicärinanpaj. Ali Cawanapaj y Yachachicunapaj reuniunta pushacoj waugui, programata ruraptin Bibliata leinanpaj, paymi acranga pï waugui masta leinga y pï ichiclata leinanpäpis.

ALI YACHACHICOJ CASHUN

6. Chunca pichga minutucuna. Caymi yanapacun imano predicananchipaj y shumaj yachachicunanchipäpis. Ancianucunapis cay ruraycunacho yanapacärinmanmi. Estudianticunaga Shumaj Yachachicunapaj o Cuyashpanchimi folletucunapita acrashgan yachacuyta nishganno ruranman, chayga yurimun imata yachachinanpaj cajpa laduncho, Imano Yachacunapaj cajcho. Öraga wiyaycajcuna parlacurinanpaj canga. Cayga juc ancianumi o waquin siervo ministerialpis ruramunman (ricäriy 15 caj párrafo wiyaycajcunawan ruracänanpaj yachachicuycunapita).

7. Pilawanpis parlar galaycushun: Caytaga juc waugui o juc panimi ruranga. Yargoj caj warmi captenga yanapacojninpis juc warmi canman, olgucunawanpis chaynolami canman, familian captenga olgu o warmiwanpis yargunmanmi. Chaypäga ichishga o jamashgapis caycanman (caypita maslata musyanayquipaj 12 y 13 caj parrafucunata ricäriy).

8. Yapay cutishun: Caytaga juc waugui o juc panimi ruranga. Yargoj caj warmi captenga yanapacojninpis juc warmi canman, olgucunawanpis chaynolami canman (km-S 5/97 pág 2). Chaypäga ishcancuna ichishga o jamashgapis caycanman. Yapay cutishgancho yachachicojga yachacuycajta yarparachinman imapita yachachicunanpaj quedashganpita (caypita maslata musyanayquipaj 12 y 13 caj parrafucunata ricäriy).

9. ¡Bautizacärichun!: Caytaga juc waugui o juc panimi ruranga. Yargoj caj warmi captenga yanapacojninpis juc warmi canman, olgucunawanpis chaynolami canman (km-S 5/97 pág 2). Ishcancuna ichishga o jamashgapis caycanman. Bibliapita imano yachachicushgayquita ichiclata musyachicuy. Galaycunayquipaj y ushanayquipäga imatapis manami ninquirächu, ruranayquipaj nishuptiquega ruranquimanmi. Quiquiquimi acranqui lapan parrafucunata leicämunanpaj o manapis.

10. Imaman creishgayquita tantiachicuy: Naupacho yachachicunanpaj captenga, juc waugui ruramunman. Juc actuación captenga juc waugui o juc pani ruramunmanmi. Yargoj caj warmi captenga yanapacojninpis juc warmi canman, olgucunawanpis chaynolami canman, familian captenga olgu o warmiwanpis yargunmanmi. Yachachicojga ali shimilapa y claro yurimoj tapucuyta contestamunman, jina acrashgan informaciunta utilizanmanmi. Quiquinmi decidinman acrashgan publicaciunta actuaciuncho utilizananpaj o manapis.

11. Naupacho yachachicoj: Caytaga juc wauguimi yachachicaramunga naupapita. Yapacämushga A Cuyashpanchimi folletupita yachachicamunanpaj captin, yachachicunman imano juc textuwan predicashwan. Tantiachicunman imaytaj chay textuwan yachachinapaj, chay texto ima ninantaj, y imanotaj chay textuwan pitapis yarpachacächinanpaj. Cuyashpanchimi folletupita yachacuycunapita parlananpaj captin, tantiachicunman chaytaga imano yanapanman ali yachachinapaj. Maygan yachacuypita juc cajcho parlashgan runapita tantiachicamunman. Öraga alichi canman chay yachacuypita maygan textupitapis yachachicamunanpaj.

12. Yachachicuycuna: Cay wilacuy caycan “Pilawanpis parlar galaycushun” y “Yapay cutishun” cajcunapaj. Jucnopa ruranapaj mana niptenga, sencillula y claro ichicla yachachicunman, chaynopa juc cutichopis yapay parlananpaj. Estudiantiga acranman imapita yachachinanpaj, chaypäga yarpanman imay y maycho cashgantapis. Paypitami canga juc publicación o juc video ricächinanpaj. Yarparashganlapita mana ruranmanchu sinoga shonguncho ima cashganpita, chayno tantiachiylapa y ali shimilapa parlapananpaj.

13. Imano predicanapaj: Yachachicojga shumajraj tantianman imano marcancho runacunata yachachinanpaj. Caycunata ruranman:

(1) Wasin wasin aywar: Chayga canman puncun puncun, telefonupa o cartapapis. Jina paycunawanpis yapay parlacunanchipaj.
(2) May chaycho caycarpis: Runacunata juc textulatapis leipashwan aruycho, escuelacho, callicho, carrucho y may chaychopis.
(3) Runacuna cashgancho yachachicur: Runacunata yachachishwan publicaciuncunapaj carrituwan, mercaducho, parquicho caycar, cocheracunacho, y maycho runacuna cashgancho.

14. Videucuna y publicaciuncuna: Yachachicojga acranman lapan parrafucunata leicämunanpaj o manapis. Videuta ricachinapaj captin chaypita parlacaramunman, pero videutaga ama churanmanchu.

ALI CAWANAPAJ

15. Cayga juc canciunwanmi galaycamunga. Punta caj 15 minutucunalachomi wiyaycajcunata yanapacunga Diospa Palabranta cäsucärinanpaj. Juc ancianumi o juc Bibliapita ali tantiachicamoj siervo ministerialpis cayta yachachicaramunman. “Congregaciunpa cajcuna” nishgantaga juc ancianulami ruranga. Wiyajcunapis parlacamunanpaj captenga, yachachicoj hermanuga más tapucuycunatapis rurayta puedinmanmi. Galaycunanpäga ichiclapis parlacurinman, tiempo aypananpaj y wiyaycajcunapis parlacurinanpaj. Juc entrevista captenga, puediycajcuna naupacho yargur parlacurinman.

16. Bibliapita juc libruwan yachacunapaj: 30 minutucuna. Caytaga Bibliapita ali tantiachicamoj ancianumi ruranga (waquin congregaciuncunacho juc o ishcayla ancianucuna captenga Bibliapita ali tantiachicamoj siervo ministerialpis ruranga). Quiquin ancianucunami acranga pï waugui caypita yachachicämunanpaj. Cayga tiempulancho ruranman, textucunata shumaj tantiachicamunman y lapancunata yanapanman imano yachacushgannola cawananpaj. Alichi canman wiyaycajcunawan yachachicunapaj caj yanapacuycunata leirimuptin (w23.04 24, recuadro). Librupita yachachicur usharirnami 30 minutucuna o más walcalapis ruranmanmi. Alichi canman librupita yachachicojcuna y liejcunapis cadala trucamunanpaj. Reuniunta pushacoj waugui, librupita yachachicoj wauguita niriptin más walcalacho rurananpaj, paynami acranga imano chayta rurananpaj, öraga lapan parrafucunata mana leiramunmanchu.

USHANAPAJ

17. Quimsa minutucuna. Reuniunta pushacoj waugui wilacaramunga imacunapita yachacushganchipita. Jinamanpis gatejnin semanapaj imacunapita yachacunapaj ichiclata wilacaramunga. Tiempo captenga, gatejnin semanapaj pïcuna naupaman yargunanpaj wilacamunman. Jinamanpis wilacuycuna leimunanpaj captenga, reuniunta pushacoj waugui chaytami ruranga. Maycho predicapäcamunanpaj, pïcuna pichapacamunanpäga o juc ruraycunapitapis naupapita ama wilacuychu, chay wilacuycunaga tablerucho lagacashga caycanga. Tiempo mana captenga reuniunta pushacoj waugui, “Ali cawanapaj” reuniuncho yachachicamojcunata mañacaramunga más walcalacho rurananpaj, chaynopa cartacunata leinanpaj o ima wilacuycunatapis wilacaramunanpaj (16 y 19 caj parrafucunata ricäriy). Reuniunmi ushanga juc canciunwan mañacuywanpis.

SHACYÄCHIYLAPA ANYAPAY

18. Reuniunta pushacoj waugui juc minutulachomi shacyächiylapa anyapanga naupaman yargojcunata, Shumaj Yachachicunapaj o Cuyashpanchimi folletuwan. Naupaman yargojcuna imacunacho arunanpäga pushacoj waugui manami wilanmanchu, ushariptinrämi imano rurashganta wilacunman, ali shimilapa wilapanga imanir alimi cashga o imacunacho pishinganta. Jinamanpis pushacoj wauguiga yachacuycaj rurashganpita masta wilapanman, wiyaycajcunata o yachacuycajtapis yanapänanpaj. Reunión ushariptinna o yapaychona Cuyashpanchimi o Shumaj Yachachicunapaj folletucuna o Benefíciese libruwanpis shumaj shacyächiylapa anyapanman. (19, 24 y 25 caj parrafucunata Ali Cawanapaj y Yachachicunapaj reuniunta ricaj y Consejapaycho yanapacojpa ima ruraynincuna canganta tarinqui).

TIEMPO

19. Lapanmi ruracämunga tiempulancho (reuniunta pushacoj waugui parlacamushganpis). Yachachicojcuna, yachacuycajcunapis tiempunlacho o más walcalata ruraptinpis alitami rurarcaycan. Naupacho yargojcuna tiempunta pasacuriptinga, Ali cawanapaj y yachachicunapaj reuniunta pushacoj o Consejapaycho yanapacoj waugui nircurna paycunalawan parlarcunga (24 y 25 caj parrafucunata ricäriy). Reuniunga ruracämunman canciunwan mañacuywanpis juc hora 45 minutucunalachomi.

WATUCAMOJ WAUGUI SHAMUPTIN

20. Watucamoj waugui shamuptenga, juc ishcay cambiucunalami Imano yachacunapaj cajpita canga, waquinga imano ruracashgannolami ruracanga. Bibliapita juc libruwan yachacunapaj cajpa trucanmi watucamoj waugui 30 minutucunacho discursamunga. Discurso manaraj galaycuptin, reuniunta pushacoj waugui ima yachacushganchipita yarparachenga, gatejnin semanacho imapita yachacunapaj cajtapis wilacamunga, wilacuycuna y cartacunapis captenga leiramunga. Nircur congregaciunta watucamoj wauguita naupaman yargunanpaj ninga. Discursunta usharirna, congregaciunta watucamoj waugui, reuniunta ushanga quiquin acrashgan canciunwan. Pay mana mañacuptenga juctapis nirinmanmi mañacunanpaj. Chay semanachoga manami cangachu ichic cuartucho reunión. Juc rimayta parlaj grupuga, reuniunnincunaga caycanmanmi. Chayno captinpis, congregaciunwan shuntacangami watucamoj wauguipa discursunta wiyapäcunanpaj.

ASAMBLEA SEMANACHO

21. Asamblea semanaga manami reuniuncuna ruracangachu. Chayno captinpis yachacunapaj semanacho, hermanucunaga quiquilan o familiancunawanpis estudiapäcunmanmi.

JESÚS WANUSHGANTA YARPÄNAPAJ SEMANA

22. Jesús wanushganta Yarpänapaj junaj, pulan semanacho captenga, Ali Cawanapaj y Yachachicunapaj reuniunga manami ruracangachu.

ALI CAWANAPAJ Y YACHACHICUNAPAJ REUNIUNTA RICAJ

23. Payga canman, waquin ancianucuna acrashganmi. Reuniuncuna shumaj ruracänanpaj y cay wilacuycuna nishganno ruracänanpaj cajta ricanman. Consejapaycho yanapacoj wauguiwan wilanacärinman. Imano yachacunapaj plublicaciunninchi yargamushgana captin, chay ishcay quillacunacho pïcuna lapan reuniuncho naupaman yargunanpaj programata ruranga. Camacächinmanpis pï reuniunta pushananpaj, chaypäga ancianucuna acrashgancunalata utilizanman (3-16 y 24 caj parrafucunata ricäriy). Ima asignaciuntapis pitaj ruranapaj camacächiptenga cuentaman churanman naupaman yargoj ima edäyoj cashganta, imano yachachishganta, y imapitataj yachachiyta puedishganta. Ima asignaciunnintapis hermanucunata goycunman quimsa semanacuna manaraj pasaptinmi; demostraciuncunapäga utilizanman ichic hojata, Asignación para la reunión Vida y Ministerio Cristianos (S-89) nishganta. Lapan programaga yurimunman tablero de anuncios nishganchomi. Pilapis yanapänanpaj necesitarga waquin ancianucunawan acranman juc siervo ministerialtapis o juc ancianutapis. Ichanga ancianurämi ninman ancianucunata y siervo ministerialcunata ima asignaciuncunata rurananpaj.

ALI CAWANAPAJ Y YACHACHICUNAPAJ REUNIUNTA PUSHACOJ

24. Ali Cawanapaj y Yachachicunapaj reuniuntaga juc ancianumi pushanman (waquin congregaciuncunacho juc ishcayla ancianucuna captenga Bibliapita ali tantiachicamoj siervo ministerialpis ruranman). Reuniunta pushaj waugui galaycunapaj y usharinapaj imata ninanpämi alistacunman. Pipis naupaman yargunanpaj wilacunman, juc ishcay ancianucunala captenga quiquinpis yachachicamunman, videulata ricachinanpaj cajpitami más ruranman. Juc yachachicuyman pasananpäga manami alapa parlacunmanrächu. Ancianucunami acranga pï anciano masincunapita chayta rurananpaj y paycunanami trucanacärinman. Öraga Ali Cawanapaj y Yachachicunapaj reuniunta ricaj waugui, waquin ancianucunapita ichic más reuniunta pushanman. Maygan ancianulapis “Bibliapita juc libruwan yachacunapaj” cajta ruraptenga, juc reuniuntapis pushaptenga alichi canman. Ichanga, reuniunta pushacoj wauguiga shumaj musyanan, naupaman yargojcunata yachanaylapa parlapänanpaj y cuyacuylawan consejananpaj cajtapis. Pushacoj wauguiga reuniunta tiempunlancho usharinanpäpis encargacunan (17 y 19 caj parrafucunata ricäriy). Plataformacho campo captenga y reuniunta pushacoj waugui munaptenga, juc caj laducho yachachicojcuna alistacunga y pushacoj wauguipaj juc micrófono canman imapita yachachinanpaj cajta ninanpaj. Reuniunta pushacoj waugui munarga, naupacho juc mesata churarcur jamacunman, Biblia leicashgan horacho y “Ali yachachicoj cashun” ruracämushgan horachopis.

CONSEJAPAYCHO YANAPACOJ

25. Alichi canman juc ali yachachicamoj anciano captin. Imalapis captenga, ancianucunata, siervo ministerialcunata, Ali Cawanapaj y Yachachicunapaj reuniuncho yargojcunata, discursamojcunatapis, Wilacamoj revistata dirigejta, “Bibliapita juc libruwan yachacunapaj” nishganta pushajta y liejcunatapis consejacunga (19 caj parrafuta ricäriy). Ali yachachicamoj ancianucuna captenga, cada watami jucta jucta churanman consejapaycho yanapacoj cananpaj. Manami consejarlachu caycanman lapan yargojcunata.

ICHIC CUARTUCHO YACHACUNAPAJ

26. Naupaman yargojcuna achca captenga, ichic cuartuchopis ruracanmanmi. Ishcan laduchomi consejapaycho yanapacoj anciano canman o Bibliapita ali tantiachicamoj siervo ministerialpis yanapacunmanmi. Ancianucunami acranman pïcuna chayta rurananpaj, trucanacunanpaj o manapis. Consejapacoj wauguiga 18 caj párrafo nishgannola ruranman. “Shumaj yachachicuyta ashishun” usharcuptin “Bibliapa shumaj yachachicuynin” caj yachachicuypita, ichic cuartuman aywananpaj ninga. “Ali yachachicoj cashun” cajta usharcuptin, sitiuncunaman cutinanpaj ninga.

VIDEUCUNA

27. Semana reuniuncunachoga JW Library® caycaj videucunata churamunga, y chay videucunataga tucuy celularcunaman o tabletacunamanpis jorgushwanmi.

S-38-QUL 11/23