Yachachicuyniqui imano aliyarcunanpaj: Gaprayash runacunata yachachiy

¿IMANIRTAJ CHAYTA RURASHWAN? Gaprayash runacunapäga manami facilchu jäpa runacunata parlapayta. Chaymi wasincunaman chayarga calpachacushun Diospita imano yachachicunapaj. Jehovaga yarpachacunmi paycunapaj, awmi alapami cuyan (Le 19:14). Noganchicunapis paycunata cuyapäshun y yanapäshun Diosninchita reguinanpaj.

IMANOTAJ RURASHWAN

• Jucla ashishun (Mt 10:11). ¿Marcanchicho tincushcanchichu juc gaprayash runawan? Predicashgayqui sitiucunacho, ¿gaprayash runacunata yachaycächej escuelacuna cancu, o maygan localcunachopis cuidaycancu cayno runacunata?

• Imatataj ruranquiman paycunapaj. Ali shimilayquiwan y cuyapaylapa parlapaptiquega, más cushishgami chasquishunqui. Cushishga chasquicunanpaj temacunapita parlacaramuy.

• Jehovata reguinanpaj yanaparcuy. Nawinta ograshgan runacunata yanapananchipäga, achca tucuynopa publicaciuncunami jorgacämushga. Chaymi tapupäriy maygantaj yachacuyta munanganta. Predicaciunta ricaj ancianuga, publicaciuncunapita encargaduwan parlacurirmi mañacäramunman gaprayash runacunapa maygan publicaciuncunata apachipäcamunanpaj.