¿Yanapacunquimanchuraj lapan tiempuyquiwan y calpayquiwan?

Canan wichan Jehovapa sirvejnincunaga alapa mirapäcuycan, profeta Isaías wilacushganno (Is 54:2). Chaymi, Jehovata aduranapaj wasicuna, Asambleapaj localcuna y sucursalcho jatun wasicunapis necesitanchi sharcachipäcunanpaj. Chay localcunata sharcachicurga, imaypis cuidananchi mana imapis malugracänanpaj y tiempuwanga alchapashwan. Chayno rurarga, lapan calpanchiwan y tiempunchiwanpis Jehovata sirviycanchi. Caycunata rurashwan:

• Jehovapa wasinta grupunchiwan pichapacushun.

• Jehovapa wasinta shumaj alchanapäga, ali yachachicuyta chasquishun musyajcunapita.

• Solicitud de voluntario local de diseño y construcción (DC-50) nishgan papelta apachicushun yanapänapaj localcunata sharcachinapaj o alchapanapaj.

• Solicitud para el programa de voluntarios (A-19) nishgan papelta apachicushun Betelcho o waquin oficinacunachopis juc semana o mastapis yanapänapaj.

CAY VIDEUTA RICÄCHIY: LOCALCUNATA SHARCACHINAPAJ MUSHOJ PROYECTO (WAQUILANLA). NIRCUR TAPUPÄRIY:

• Wilacamuy imanotaj más videucunata utilizaycanchi 2014 watapita

• ¿Ima mushoj ruraycunataj alistacaycamun más videucuna ruracämunanpaj y imayraj ushacanga?

• Pipis yanapacuyta munarga, ¿imatataj ruranman?

• Yanapacuyta munaptinchiga, ¿imanirtaj DC-50 solicitudta apachicushwan y LDC nishgancho yanapacur caycashwan?

• ¿Imanirtaj ninchi Jehová yanapacuycanganta y pushaycanganta cay mushoj ruraycunacho?

• Cay mushoj ruraycunacho aruyta mana puedirga, ¿imanotaj yanapacushwan?