Noviembre quillacho Diospa Gobiernunpinta wilacushun lapan shongunchiwan

“Diospa Gobiernunpita ali wilacuycunata” Jesús wilacurgan, nircur runacunata yachachirgan chay Gobierno shamunanpaj mañacärinanpaj (Lu 4:43; Mt 6:9, 10). Noviembre quillachoga alapa calpachacushun Diospa Gobiernunpita wilacunapaj (Mt 24:14). Cananlapita rurayninchicunata shumaj camacächishun Diospa Gobiernunpita wilacur yanapacunapaj. Chay quillacho precursor auxiliarno yanapacojcunaga 30 o 50 horatapis rurayta puedinmi.

Runacunata yachachicur Diospa Gobiernunpita parlaj textucunata leircuy. Maygan textucunata acranayquipäga, yachacungayqui hora shumaj yarpachacuy runacunapa creenciancunaman. Pipis maslata yachacuyta munaptinga, La Atalaya (lapancunapaj caj) núm. 2 del 2020 macyarcuy. Nircur juc ishcay junaj pasariptin yapay cutimuy wasiyojwan parlarcunayquipaj y yachachicunapaj cajcunapita juc publicaciunwan Bibliapita yachachicur galaycuy. Ichiclanami pishin Diospa Gobiernun ushacächinanpaj Pachacho caycaj gobiernucunata (Da 2:44; 1Co 15:24, 25). Chaurasga, Taytanchi Jehovata cuyashpanchi y Diospa Gobiernunta yanapacurmi, runacunata yachachicushwan.