¡Ichiclachona mushoj pachacho cawanapaj cajta pï maytapis wilacushun!

Noviembre quillacho calpachacushun runacunata wilanapaj ichiclana pishishganta mushoj pachacho cawanapaj (Sl 37:10, 11; Ap 21:3-5). Chay quilla predicanapaj tiempunchita shumaj camacächishun. Precursor auxiliarno yanapacojcunaga 30 o 50 horacunalami predicanga.

Chay quilla mushoj pachapita wilacoj textucunata lapan runacunata leipay. Textucunata acrashpayqui horaga tiyashgayqui marcacho caycaj runacunaman yarpachacuy. Galanan parlashgayquicho wiyashuptiquega Atalaya 2 caj, 2021 watapita cajta goycuy. Chay runata yapay watucaj jucla cutiy, chay watucashgayquicho Bibliata estudiar galaycuy Cushishgala imaypis cawanapaj nishgan folletuwan. ¡Alapami cushicunchi “jawka kawanantsipaq kaqta y salvashqana kanantsipaq kaqta” wilacuptinchi! (Is 52:7).

CAY VIDEUYOJ CANCIUNTA RICÄRIY: ALIMI CAWACUYCULÄSHUN. NIRCUR CAY TAPUCUYCUNAPITA PARLACAMUY:

• ¿Wamraga imatataj yarpachacuycan shamoj tiempupaj?

• ¿Imatataj shongupita rurayta munanqui mushoj pachacho?

• Mushoj pachaman yarpachacuptiquega, ¿imanotaj yanapashunqui noviembre quilla ganas ganasla predicanayquipaj? (Lu 6:45).