Rusia Ucrania naciunwan guerraman yaycush

Rusia naciunpa soldaduncuna Ucraniaman yaycurgan 2022 wata, 24 febrerupita pacha manaraj waraptin; chayga pasargan achca mandacojcuna imaycata niycaptinpis mana rurananpaj. ¿Chayraycur imacunaraj entero munducho pasanga? António Guterres, Naciones Unidas nishganpa secretariun nergan achca runacuna nacananpaj, imaycacuna mana cananpaj y Europa naciuncunacho jauca cawayta tarinanpaj sasaman ticrashganta.

¿Biblia wilacushgachuraj caycuna pasananpaj?

• Jesucristo Pachacho caycar nergan “intëru munducho juc nasyunwan juc nasyun pillyanga” (Mateo 24:7). Maslata musyanayquipaj “¿Cuál es la señal de ‘los últimos días’ o de ‘los tiempos finales’?” yachachicuyta leiramuy, chaychomi shumaj tantianquipaj imano canan wichan guerracuna cashganga Jesús Bibliacho wilacushganno cumplicuycan.

• Apocalipsis librucho guerracunapita parlar tincuchin ‘puca cawalluta muntarajwan’ y chayga “runacunata chiquinacachir fiyupa wañuchinacachinanpaj” imaycata ruran (Apocalipsis 6:4). Maslata musyayta munarga “¿Qué representan los jinetes del Apocalipsis?” yachachicuyta leiramuy y chaychomi tantianqui imanir canan wichan guerracuna caycan.

• Daniel librucho wilacamun “norte caj reypita” y “sur caj reypita”, ishcancuna chiquinacunanpaj nin (Daniel 11:25-45). Maslata tantianayquipaj Daniel 11 caj capítulo cumplicushgan videuta ricäriy, chaycho tantiachimanchi imanir Rusia y yanapajnin naciuncuna norte caj rey cashganta.a

• Jina Apocalipsis librucho wilacun may chaypita ‘mandacojcuna suldäruncunata shuntananpaj Tayta Dios cay pachata jusganan junaj pillyananpaj’ (Apocalipsis 16:14, 16). Ichanga cayga manami canan guerracuna cashgannochu canga. Cay guerra imano cananpaj maslata musyanayquipaj “¿Qué es el Armagedón?” yachachicuyta leiramuy.

¿Imanotaj musyanchi shamoj tiempucho cawayninchi ali cananpaj?

• Bibliacho Diosninchi aunimanchi ima ‘guërratapis intëruchömi chawächinanpaj’ (Salmo 46:9). Caypita maslata musyanayquipaj “La esperanza real de un mañana mejor” yachachicuyta leiramuy, Diospa aunicuynincunaga cushichishunquipämi.

• Jesús gatejnincunata yachachergan Diosta mañacur ‘gobiernuyqui shamuchun’ ninanpaj (Mateo 6:9, 10). Chay Gobiernuga cieluchomi caycan, y imaycatami ruranga cay Pacha Dios munashganno cananpaj. Payga jauca caway may chaychopis cananpaj munan. Chaypita maslata musyayta munarga ¿Imataj Diospa Gobiernun? videuta ricäriy, chaycho wilacun imataj chay Gobierno gampaj ruramunga.

Ucrania naciunchoga 129.000 masraj Jehovapa testiguncuna carcaycan. Paycunaga waquin naciuncunacho caycaj Testigucunano Jesustami cäsucärin y ima gobiernocunatapis yanapacunchu. Chaymi politicaman jaticanchu ni guerramanpis aywanchu (Juan 18:36). Chaypa trucan Jehovapa testiguncunaga Diospa “ali wilakuyninta maytsay nacionkunachöpis” yachachicurcaycan, jina wilacärin imano imayca problemacuna alchacashga canga y guerrapis mana canganachu (Mateo 24:14). Chaymi invitanchimi Bibliacho caycaj ali wilacuycunata yachacunayquipaj.