Ucraniacho guerraraycur may chaycho muchuy miraycan

19 junaj mayo quilla 2022 watacho, 75-pitapis masraj carguyoj runacuna shuntacärergan juc reuniuncho Consejo de Seguridad de la ONU nishgancho. Chaycho nipäcurgan “COVID-19 gueshyaraycur y clima cambiashganraycurpis micuy tarinapaj sasa cashganta, pero chayshi masraj miranga Ucraniacho guerraraycur”. Nircurna The Economist nishgan revista wilacamurgan guerraraycur ichiclacho entero munducho muchuy cananpaj. Bibliaga mayna wilacamurgan chaycuna canan pasananpaj, ichanga consejuncunaga yanapämanchi chaypa pasarpis yäracuycarla caycänapaj.

Biblia wilacamurgan muchuy cananpaj

•  Jesús nergan: “Intëru munducho juc nasyunwan juc nasyun pillyanga. Muchuypis intëruchömi cangapaj” (Mateo 24:7, Tayta Diosninchi Isquirbichishan).

•  Apocalipsis librucho wilacun chuscu cawalluta muntarajcunapita. Juc cawalluta muntarajshi guerracunata apamunman cargan, y jucninga muchuytana. Biblia wilacun juc tiempo micuy walcayaptinraycur micuyta ichic ichiclapa raquipänacunanpaj y alapa chaniyoj cananpäpis. “Ricärishächo ricarä yana cawalluta. Chay cawalluta muntarajna balansan aptasha caycaran. […] cayno nimuran: ‘¡Muchuymi canga! Chaura juc junaj arur gänashan aypanga juc quïlu rïguta, u quimsa quïlu sebädata rantinallanpaj’” (Apocalipsis 6:5, 6, TDI).

Cay profeciacunaga canan wichan cumplicuycan, y Bibliaga nergan ‘ushanan junajcunacho’ chaycuna pasananpaj (2 Timoteo 3:1). Maslata yachacuyta munaptiqui ‘ushanan junajcunacho’ caway imano cananpaj y cawalluta muntarajcuna profecía imano cumplicuycashganta, cay videuta ricäriy: En 1914 el mundo cambió de rumbo y “¿Qué representan los jinetes del Apocalipsis?” nishgan yachachicuytapis leiriy.

¿Imanotaj Bibliaga yanapämanchi?

•  Bibliaga consejucunata gomanchi imacunata ruranapaj sasacunapa pasaptinchi, chayga canman guellay mana captin, muchuy captin o maspis. Maslata musyanayquipaj cayta leiriy “Cómo vivir con menos”.

•  Jina Bibliaga nimanchi chay lapancuna tiempuwan alchacananpämi. Aunimanchi cay Pachacho micuy junta cananpaj y manami pipis micananganachu, chaypäga ichiclanami pishin (Salmo 72:16). Cayman yäracunayquipaj, cayta leiriy maslata musyanayquipaj “La esperanza real de un mañana mejor”.