Escuelacunacho wanuchinacuy cashgan. ¿Imataj Bibliaga nin?

24 junaj mayo quilla 2022 watacho, Uvalde (Texas, Estados Unidos) ichic marcacho laquicuypaj wanuchinacuy pasargan. The New York Times periódico nishganno, “juc runa armanwan 19 wamracunata ishcay profesoracunatapis […] Robb jutiyoj escuelacho wanucherganmi”.

Cayno wanuchinacuycuna cutin cutin pasaycan. USA Today periódico wilacurgan Estados Unidos naciunlachomi “pasaj wata escuelacunacho 249 wanuchinacuycuna cargan, 1970 watapita masrämi miraycargan chayno pasashganta”.

¿Imanirtaj cay wanuchinacuycuna pasaycan? ¿Imatataj yanapamäshun aguantanapaj cay laquicuypaj wanuchinacuycuna pasashganta? ¿Imanirtaj yäracushwan imaylapis wanuchinacuyga ushacänanpaj? Bibliaga contestamanchi.

¿Imanirtaj pelianacuy wanuchinacuypis más miraycan?

•  Bibliaga wilacun canan tiempuga “ultimu tiempucho” cawaycashganchiraycur runacunaga “cuyacuyniynag” y “pasaypa fiyu” cangapaj; runacunaga runa masinta fiyupa chiquicurcungapaj. Jina chayno runacunaga “mas mana ali caymanmi chrayapäcunga” ninmi (2 Timoteo 3:1-5, 13, Ambo-Pasco). Maslata musyanayquipaj “¿Predijo la Biblia cómo sería la gente en nuestros días?” nishganta leiriy.

Achca runacunami tapucärin imanir escuelacunacho wanuchinacuycuna Dios permitin. Biblia ima nishganta musyanayquipaj “¿Por qué le pasan cosas malas a la gente buena?” nishganta leiriy.

¿Imatataj yanapamäshun aguantanapaj cay laquicuypaj wanuchinacuycuna pasashganta?

•  “Unaypita pacha Tayta Diosninchi escribichinganchru lapan ningancunaga yachracunanchipämi caycan. [...] escribichingancunata liyir shacyäcusha cashun. Chaynuypa promitingancunata shuwäcushun” (Romanos 15:4, Ambo-Pasco).

Bibliapa consejuncunami yanapashunquiman cay munducho fiyupa pasaycashganchita aguantanayquipaj. Maslata musyanayquipaj revista ¡Despertad! “¿Acabará algún día la violencia?” yachachicuyta leiriy.

Wamracuna öraga radiucho o televisiunchopis mana ali noticiacunata wiyarir o ricarirpis manchacärin. Wamrayoj captiqui, wamrayquicunata yanapayta munaptiquega “El efecto de las noticias en los niños” nishganta leiriy.

¿Imanirtaj yäracushwan imaylapis wanuchinacuyga ushacänanpaj?

•  “Nakatsiq runakunapa makinpitapis jorqunqami. Maqakuq runakunapitapis salvanqami” (Salmo 72:14, MYL).

•  “Maytsaychöpis runakuna espädanpita rëjantanami ruratsipäkunqa. Lanzanpitanami ösita ruratsipäkunqa. Guërracho pelyananpaqpis manami kamarikunqanatsu” (Miqueas 4:3, MYL).

Runacunaga chiquinacuy, wanuchinacuypis ushacächiyta imanopapis puedinchu. Dioslami, cielucho caycaj Gobiernunwan, lapan armacunata, chiquinacuyta, wanuchinacuytapis ushacächenga. Diospa Gobiernun imata rurananpaj cajta maslata musyayta munaptiquega “El Reino de Dios traerá ‘paz en abundancia’” nishganta leiriy.