Wanuchinacuy captin runacuna manchacashga caycan | ¿Imataj Bibliaga nin?

Julio quilla 2022 watacho, may chaycho achca wanuchinacuycuna cashga:

• “Japón naciuncho lapan pachachopis runacuna almiracun alapa reguishga político [unay caj presidente Shinzo Abe] wanuchishga cashganpita, masrämi Japón naciuncho achca wanuchinacuy mana captin y armacunata charanapaj sasa captinpis” (10 de julio de 2022, The Japan Times).

• “Dinamarca naciuncho runacuna manchacärin juc armashga runa quimsa runacunata wanuchiptin Copenhague mercaducho” (4 de julio de 2022, Reuters).

• “Sudáfrica: armashga runacuna juc cantinaman yaycurir 15 runacunata wanuchicun Soweto marcacho” (10 de julio de 2022, The Guardian).

• “Estados Unidos naciuncho 4 de julio fiesta semanacho 220 runacunapitapis más, armacunawan wanuchishga cargan” (5 de julio de 2022, CBS News).

¿Rasunpachuraj shuyarashwan wanuchinacuy ushacänanpaj? ¿Imataj Bibliaga nin?

Wanuchinacuy pelianacuypis canganachu

Bibliaga wilacunmi “último tiempucho”, runacuna cuyacuyniynaj cashpan pasaypa fiyu y magacoj cananpaj (2 Timoteo 3:1, 3). Pasaypa mana alicunata rurashganta ricar runacuna manchacärinmanmi cargan (Lucas 21:11). Pero Bibliaga aunicun ichiclacho chaycuna ushacänanpaj, runacunaga “mana manchacuypa sigüru wasicunachömi tiyangapaj” (Isaías 32:18, TDI). Tapucuycanquichi, ‘¿imanoraj chaycuna ushacanga?’ nir.

Fiyucunata y armacunatapis Dios ushacächenga.

• “Fiyu runacuna, mana yäracuypaj runacuna ichanga jachata achurisha illgajnömi cay pachapita illganga” (Proverbios 2:22, TDI).

• ’[Diosga] guërratapis intëruchömi chawächisha. Paymi flëcha jitacunatapis paquirgärisha. Tucsicunantapis ichic-ichiclla paquirgärisha. Guërrapaj caycaj carrëtacunatapis rupargärachisha’ (Salmo 46:9, TDI).

Dios runacunata jaucala goyananpaj yachachenga, chaynomi imapis canganachu wanuchinacunanpaj.

• “Mananami pipis mana allita ruranganachu. Imanömi lamarcho yacu juntan, chaynömi cay pachachöpis TAYTA DIOSTA rispitaj runacunallana juntasha canga” (Isaías 11:9, TDI).

• Cananlapitana Dios entero munducho runacunata yachaycächin mana peliananpaj ni armacunatapis mana utilizananpaj, jina “tucsicuna lansancunatapis ösimannami ticrachenga” Bibliaga nin (Miqueas 4:3, TDI).

Maslata musyayta munaptiqui imano shamoj tiempucho mana manchacuypa y jaucala cawanapaj Biblia wilacushganpita, cay yachachicuyta leiriy “¿Es posible librarse del miedo?”.

Wanuchinacuy imano ushacächishga cananpaj maslata musyayta munarga, cay yachachicuyta leiriy “¡Por fin paz en la Tierra!”.