Entero munducho pasaypa shanaycan | ¿Imataj Bibliaga nin?

Julio 2022 quillapäga entero munducho runacuna nipäcorgan Inti pasaypa shanaycashganta.

• “China wilacun cay quilla yapay shanay o achachay masraj mirananpaj 70 ciudäcunacho” (25 de julio de 2022, servicio de noticias de la CNN).

• “Incendiucuna captinmi Europa naciuncunacho pasaypa shanargan, imaypis chaynoga carganchu” (17 de julio de 2022, The Guardian).

• “Domingo junajcho wilacurgan Estados Uniduspa waquin ciudäcunacho alapa achachaycashganta, y chayga cargan partes del sur y costa este y de la región del Medio Oeste nishgancho pasaypa shanay captinmi” (24 de julio de 2022, The New York Times).

¿Cayga niycanchuraj shamoj tiempucho Pachacho cawacuyta manana puedinapaj cajta? ¿Imataj Biblia nin caypita?

¿Biblia wilacushgachuraj alapa shanay cananpaj?

Aumi, alapa shanay cashganga tincunmi ushanan junajcunacho ima pasananpaj Biblia wilacushganwan. Jesusga nergan “manchariypag imaycacunapis” pasashganta ricänapaj (Lucas 21:11; Biblia Ambo-Pasco). Achcajmi manchacärin Inti pasaypa shanaycashganta ricar, y yarpapäcun runacuna Pachata ushacächinanpaj.

¿Pachacho cawacuyta mana puedishwannachu?

Diosninchega cay Pachata camashga imaycamapis caycänanpaj, runacuna chaycho tiyapäcunanpaj (Salmo 115:16; Eclesiastés 1:4). Payga manami jaguengachu runacuna Pachata ushacächinanpaj. Chaypa trucan payga Palabrancho nimanchi “cay pachacho mana allita rurajcuna castigasha cananpaj caj timpu” chayamunganami (Apocalipsis 11:18).

Diosga aunimanchi imano cay Pachata alchacächenga, ishcaylata ricärishun:

• “Tsay witsanmi chunyaq jirkapis y tsaki pampakunapis kushikunqa. Qara pampakunachöpis qewa loqluypa loqlur winarmi tuktunqa” (Isaías 35:1). Diosga manami jaguengachu cay Pacha chunyaj cananpaj, sinoga alchacächenga shumaj cananpaj.

• “Qammi kay patsata makikicho tsararaykanki. Mikuykuna wayunanpaqpis qammi tamyatsimunki. Trïgu ali wayunanpaqpis qammi yakuta pashtatsimunki” (Salmo 65:9). Diosga cay Pachata juc cuyaylapa huertaman ticrachenga.

Maslata musyayta munaptiqui imano cambio climático nishgan Biblia wilacushganwan cumplicuycashganta “¿Qué dice la Biblia sobre el cambio climático y nuestro futuro?” nej yachachicuyta leircamuy.

Cay Pacha imano alchacänanpaj cajta musyayta munarga, “¿Quién salvará el planeta?” nishgan yachachicuyta leiramuy.