‘Pacha ushacangapaj’ runacuna nipäcun | ¿Imataj Bibliaga nin?

“Mana yarpashganchino imayca mana alicuna pasaycan: Jatun marcacuna yacuwan talpucashga caycan. May chaycho nina imaycacunata ushaycan. Locu tamyapis caycan. Yacupis ushacaycanna. Aypala tucuyniraj plantacunata y uywacunapis ushacaycan. Nishgäga manami yangalachu ni luta wilacuypischu. Cay lapancunaga ciencia estudiaj yachaj runacuna wilapämanchi canan pasaycashgancunata” (Discurso de António Guterres, secretario general de las Naciones Unidas, en respuesta al informe del Grupo Intergubernamental de Expertos sobre el Cambio Climático del 4 de abril de 2022).

“Cientificucuna wilacamun calentamiento global nishganraycur shamoj watacunacho imay desastricuna pasananpaj y chayga [Estados Unidos] naciuncho caycaj parquecunata dañananpaj. Incendiucuna, inundaciuncunapis, rajupis yacumanna ticrashgan y lamarpis Pachata dañashganga juc peligro caycan 423 parquicunapaj” (“Flooding Chaos in Yellowstone, a Sign of Crises to Come” [Caóticas inundaciones en Yellowstone, un aviso de las crisis que vendrán], The New York Times, 15 de junio de 2022).

¿Pachata dañananpaj caycajcunaga imaylapis alchashgachuraj canga? Chayno captenga, ¿imanoraj canga? Biblia yachachicunganta ricay.

Pacha dañashga cananpaj Biblia wilacurgan

Bibliacho Diosninchi nimanchi “cay pachacho mana allita rurajcuna castigasha cananpaj caj timpu chayamushanami” (Apocalipsis 11:18, TDI). Cay versiculupita caycunata yachacunchi:

1. 1. Quiquin runacuna Pachata dañanman cargan.

2. 2. Imayca desgraciacuna alcashgami cangapaj.

3. 3. Cay lapan problemacunataga quiquin Dioslami alchangapaj.

Cay Pachaga ali maquicunachonami caycangapaj

Bibliaga cayno nimanchi “kay patsaqa kashqalanmi” imaypis canga (Eclesiastés 1:4). Pipis ushacächengachu.

• “Alli runacunami ichanga alli pachacho tiyanga. Chayllachömi imaycamapis goyäconga” (Salmo 37:29, TDI).

Puntalacho Jehová Pachata camashganno yapay cuyaylapa canga.

• “Tsay witsanmi chunyaq jirkapis y tsaki pampakunapis kushikunqa. Qara pampakunachöpis qewa loqluypa loqlur winarmi tuktunqa” (Isaías 35:1, MYL).