¿Naciuncuna juntula arupäcunmanchuraj clima pasaypa desgraciaman mana chayananpaj? | ¿Imataj Bibliaga nin?

2022 watacho, domingo junaj, 20 noviembre quillacho Conferencia de las Naciones Unidas sobre el Cambio Climático nishgan reuniunnin ushacashga (COP27). Chaycho caycajcuna decidergan guellayta shuntananpaj, chaynopa waccha naciuncunata desgraciaraycur yanapananpaj. Chay rurashganga ali captinpis, manami yanapacunchu cay problemata ushananpaj.

“Alapa cushicömi guellayta shuntashganta cay dañucunata atindinanpaj […]. Pero clarumi caycan cayga lapanchoga manami yanapacungachu […]. Cay pachaga pasaypa maltratashga y ushacashgami caycan” (António Guterres, secretario general de las Naciones Unidas; 19 noviembre 2022).
“Cay pachapa climan pasaypa desgraciaman chayananpaj caycan” (Mary Robinson, Irlanda marcapa ex presidenta y ex alta comisionada de la ONU nishgan runacunapa derechuncunata defendej; 20 noviembre 2022).

Cay pachata ima pasananpaj cajman jovencunaga masrämi yarpachacärin. ¿Naciuncuna juntula arupäcunmanchuraj aunicushganno climata alchacänanpaj? ¿Imataj Bibliaga nin?

¿Naciuncuna juntula arupäcuptin climata alchangachuraj?

Runacunaga shongupita calpachacuptinpis cay mana ali climata alchananpäga, Bibliaga wilacun imata ruraptinpis runacunapa maquincho manami caycanchu. Ricärishun imanirtaj runacunaga puedinchu:

“Imatapis wiksushqataqa manami derechayta kamäpakuntsitsu” (Eclesiastés 1:15, MYL).

Ima ninantaj. Diosga runacunata camashgachu cay pachata gobernamunanpaj, chaymi problemacunata alchayta puedipäcunchu (Jeremías 10:23). Lapan gobernajcuna juntacaptinpis problemacunata alchacänanpaj y calpachacuptinpis manami ushacangachu.
“Chay wichan runacuna capäcunga quiquilanpag imatapis yarparag, guellaylapag yarparag […] cuyacuyniynag canga y mana amistay munag canga” (2 Timoteo 3:2, 3, Ambo-Pasco).

Ima ninantaj. Bibliaga canan wichanpaj wilacurgan runacunaga quiquilanpaj imatapis munapäcoj y manami jucnin jucnin yanapacuyta munapäcungachu. ¿Manachu chayta ricaycanchi?

Problemanchicunaga ushacangami

Cay pacha aliyänanpäga manami runacunapa aunicuyninpitachu shamun. Diosga ali gobernaj cajta churamushgana, payga Jesucristumi. Paypita Bibliaga cayno nin:

“Paytami munayninta gosha mandananpaj. Paytami pï-maypis rejsenga: ‘Almiraypaj tantiyachicoj’ nir ‘Binsej Dios’ nir, ‘Para-simri cawaj Tayta’ nir, ‘Alli goyayta tarichicoj mandaj’ nir” (Isaías 9:6, TDI).

Diospa gobiernunpita Jesusmi reynin caycan, cay gobiernuga cieluchomi caycan (Mateo 6:10). Jesusga munayniyoj y yachajmi caycan, payga cay pachata y pachacho tiyajcunapis ali goyananpaj munan (Salmo 72:12, 16). Mandaycashgancho cay gobierno, pachata ganrataycajcunata ushacächenga y cay pachata limpiayächenga (Apocalipsis 11:18; Isaías 35:1, 7).

Imano mana ali clima chipyaypa alchacänanpaj musyayta munaptiquega, cay yachachicuyta leiriy “¿Imataj Biblia wilacun clima cambiashganpita y shamoj tiempupitapis?”.