¿Gamga pitataj acranquiman gobernamunanpaj? | ¿Imataj Bibliaga nin?

Runacunaga elecciuncho acrapäcun pï munaycan gobernamunanpaj.

¿Imatataj Bibliaga caypita nin?

Gobernaj runacunaga manami lapanta puedipäcunchu

Biblia nishganno gobernaj runacunaga manami lapanta puedipäcunchu.

• “Ama yärakushuntsu munayniyuq runakunamanqa. Paykunaqa runala kar manami salvamäshunpaqtsu. Wanushpan alpamanmi tikranqa. Yarpashqankunata manaraq rurarmi wanupäkunqa” (Salmo 146:3, 4, MYL).

Ali tantiaj y ali ruraj captinpis, lapan gobernaj runacunaga wanunmi. Jina waquincunaga ali cajcunata ruraptinpis, gatejnin gobernajmi capazchi chaycunata ruranganachu (Eclesiastés 2:18, 19).

Bibliaga wilamanchi Diosga runacunata manami camarganchu quiquilan gobernamunanpaj.

• “Runaga manami musyanchu imaycama ni imano cawananpaj cashantapis” (Jeremías 10:23, TDI).

¿Canan wichan canchuraj pï runapis ali gobernamunanpaj?

¿Pitataj Dios acrashga ali gobernananpaj?

Biblia wilamanchi Diosga wamran Jesucristuta acrashga gobernananpaj, paymi lapan runacunapita más ali tantiaj y yäracuypaj caycan (Salmo 2:6). Diospa Gobiernunpa Jesucristumi Reynin caycan, chay gobiernuga cieluchomi caycan y chaypita gobernaycämun (Mateo 6:10).

¿Gamga Jesusta acranquimanchuraj gobernashunayquipaj? Bibliaga nin imanir alimi caycan chayta decidinanchipaj:

• “Diospa tsurinta respitar qonqurpakäriy. Mana respitaptikiqa jinan höra rabyakushpanmi wanutsishunkipaq. ¡Payman yärakuqkunaqa kushishqami kawanqa!” (Salmo 2:12, MYL).

Cananmi decidinanchipaj caycan. Biblia wilacushgannomi, Jesusga 1914 watacho gobernar galaycurganna. Bibliapa profeciancuna wilamanchi ichiclachona Diospa Gobiernulami cangapaj y lapan runacunapa gobiernuncunata ilgächenga (Daniel 2:44).

Jesuspa gobiernunta imano yanapanayquipaj musyayta munaptiquega: “Apoyemos ahora el Reino de Dios” nishgan yachacuyta leiriy.