¿Maychotaj Armagedón galaycunga? | ¿Imataj Bibliaga nin?

Bibliaga manami ninchu Armagedón juc naciunlacho cananpaj. Sinoga may chaychopis o entero munducho lapan gobiernucuna Dioswan peliananpaj sharcunga.

• “Tsay kimsa supaykunaqa [...]. Maytsaypapis aywarmi reykunata y soldädunkunata shuntarqan lapanpaq munayniyuq Tayta Dios juzganan junaq pelyananpaq. [...] lapan reykunata soldädunkunatawan juk patsaman shuntarqan. Hebreo idiömacho tsay patsapa jutin kaykan Armagedonmi” (Apocalipsis 16:14, 16, Tayta Diospa Wilakuynin).

Armagedón palabraga hebreo rimaycho Har Meghiddóhn nishganpita shamun, chayga ninan “Meguidó jirca”. Chay marcaga unay Israel cashgancho caycan. Chaymi waquincuna yarpapäcun Armagedón Israelcho cananpaj. Pero chay marca ni juc marcapis Asia oeste cajcho aypanmanchu entero Pachacho caycaj reycuna soldaduncunawan shuntacänanpaj.

Apocalipsis libruchoga escribiraycan Juan sueñuchono ricashganta (Apocalipsis 1:1). Chaura Armagedonpita parlaptin, manami parlaycanchu juc rasunpa sitiupita, sinoga entero munducho lapan gobiernucuna quiquin Diospa Gobiernunwan peliananpaj cajtami (Apocalipsis 19:11-16, 19-21).