Uracho nota

püru, impüru Püru ninanqa ima qanrapis mana kashqan ninanmi. Tsaymi Tayta Dios munashqanno jutsaynaq kawaq runapis püru kashqanta Bibliacho nin (1Juan 3.3).

Unay Testamentuchömi atska leykuna kaykan Israel runakuna püru kananpaq. Wakin tsay leykuna kaykan jutsaynaq kawananpaq (Lev. 18.1–20.27) y wakinnami kaykan imata mana mikunanpaq (Lev. 11.1-47; Deut. 14.3-21) y imata mana yatananpaq (Lev. 5.2-3; 11.1-47; 15.1-33; 21.1-4). Tsaynölami mas leykunapis kaykan unay Israel runakuna püru kananpaq y impüru kashqanpita yapay püru kananpaq (Lev. 11.1–15.33).

Jesucristo shamushqanpitaqa manami tsay leykunata cumpliypatsu püru rikakuntsi (Rom. 3.31; 8.4), sinöqa Jesucristuman yärakurmi (Heb. 9.13-14; 1Juan 3.3). Tsayno püru rikakuntsi noqantsi rayku Jesucristo wanushqanpitami (Heb. 1.3; 9.13-14).