¿Alichuraj canman santucunata ruwacunapaj?

¿Ima nintaj Biblia?

Bibliaga manami yachachinchu santucunata ruwacunapaj. Chaypa trucanga nin Dioslata mañacunanchi Jesuspa jutincho. Quiquin Jesús cayno nirgan: “Qamkunaqa Tayta Diosta kayno manakärinki: ‘Jana patsacho kaykaq Papä, qampa jutiki respitashqa kaykulätsun’” (Mateo 6:9). Jesusga manami yachachirganchu santucunata o juc angelta ruwacunapaj, sinoga Dioslata mañacunapaj.

Jesusga caynopis nirgan: “Nogami cä caminu. Nogami Diospita rasun cajta willacoj caycä. Nogami cawachicoj caycä. Chaymi nogaman mana yäracorga Taytäman mana chayangapächu” (Juan 14:6, Tayta Diosninchi Isquirbichishan). Tayta Dios oraciunninchicunata wiyamänanchipäga, Jesuspa juntichoraj mañacushwan (Hebreos 7:25).

¿Diosta y santucunatapis mañacushwancu?

Moisesta goshgan leychoga Dios nirgan: “Japalläta aduramänayquitami munä” (Éxodo 20:5, TDI). ¿Ima niycantaj cay textucho? Waquin Bibliacunaga cayno nin: “Noqalata adoramänaykitami munä”. Taytalanchi Diosga paylata adurananchipämi y mañacuyninchipis paylapaj cananpaj munan (Isaías 48:11).

Santucunata o jircacunata ruwacurga, Taytanchi Dios laquicunmi. Apocalipsis libruga wilacun, juc cutishi apóstol Juan angelta adurananpaj gongurpacuptinmi, payga cayno piñapargan: “Nogataga ama aduramaychu. Nogapis gamno yäracoj-masiquicunanöllami Tayta Diospa sirbejnin caycä. Tayta Diosllanchïta adurayga” (Apocalipsis 19:10, TDI).