¿Gueshyawan nacashpanchiga Bibliaga yanapämanchichuraj?

¿Ima nintaj Biblia?

Diosga alapami yarpachacun yaracoj sirvejnincuna gueshyawan nacaptin. Chaymi Bibliaga cayno nin: “TAYTA DIOSMI yanapanga pasaypa caycashanpita jatarinanpaj” (Salmo 41:3, Tayta Diosninchi Isquirbichishan). Pasaypa mana ali gueshyawan nacaycarga, caycunatami rurashwan:

1. Diosta mañacushun calpanta gomänanchipaj. “Tayta Diosmi alli cawayta” gomäshun, chayga yanapämäshun alapa mana laquicunapaj, y calpatapis gomäshun mayjina nacaycunata aguantanapaj (Filipenses 4:6, 7).

2. Ali cajlaman yarparcushun. Bibliaga nin: “Cushishalla goyajcunaga sänumi cawan. Llaquishalla goyajcunapami ichanga gänasnin imapäpis mana canchu” (Proverbios 17:22, TDI). Cushi cushila cawajcunaga, imapäpis mana laquicur sanumi cawan.

3. Chasquinanchipaj cajman yarparcushun. Shuyaraycanchi cajman yarpararga, yanapämanchi tucuy gueshyacunata aguantanapaj (Romanos 12:12). Bibliaga awnimanchi “runaqa manami mayqanpis ‘queshyaykämi’ ninqapaqtsu” (Isaías 33:24). Runacunaga manami puedipäcurganchu gueshyacunata ilacächinanpaj, pero Diosga ichiclachona lapan gueshyacunata ushacärachinga. Manami pipis awquisyanganachu ni chachayanganachu. Job 33:25 cayno awnicun: “Mözu kashqantsimannömi kutirkushun. Cuerpuntsipis wamra kashqantsimannömi kutirkunqa”.

Ichic wilacuy: Jehovapa testiguncunaga Diospa yanapacuynintami ashinchi, chayno carpis gueshyawan caycarga medicuman aywanchi (Marcos 2:17). Manami pitapis ninchichu imacunawan jampicärinanpaj, quiquinchicunami acrashwan imano y imawan jampicunapaj.