7. Wanushgacunaga sharcamungami

1 JEHOVAGA WANUYTA USHACACHINGAMI

“Llapanta binsiycurnami wañuytapis binsenga” (1 Corintios 15:26).

¿Imanotaj Biblia yanapan pipis wanupacuptin?

• 2 Corintios 1:3, 4

  Castanchi y cuyashga amigunchicuna wanuptinga alapami laquicunchi. Pero Bibliaga shacyachimäshunmi.

• Isaías 25:8; 26:19

  Poderniyoj carmi Jehovaga wanuyta ushacärachinga. Wanushgacunatapis cawarachimungami.

2 WANUSHGACUNA SHARCAMUNAMPA CAJMAN YARACUSHWANMI

“Jatariy [sharcamuy] wamra” (Marcos 5:41).

Wanushgacuna sharcamunanman, ¿imanirtaj yaracushwan?

• Juan 11:1-44

  Lazaruta Jesús sharcachish.

• Marcos 5:22-24, 35-42

  Juc warmi wamrata Jesús sharcachish.

• Juan 11:41, 42

  Wanushgacunata Jesús sharcachinampäga Jehovami poderninta goycush.

• Juan 12:9-11

  Achca runacuna ricaraycaptinmi Jesús wanushgacunata sharcachish. Chiquejnincunapis musyarganmi wanushgacunata sharcachiyta puedinganta.

3 AYPALA RUNACUNATAMI JEHOVÁ CAWARACHIMUNGA

“Gam gayamaptiqui nogaga wiyämanmi. Camamashayqui captëmi alli ñawillayquiwan ricäramanquiman” (Job 14:13-15).

¿Pïcunataj cawarimunga?

• Juan 5:28, 29

  Lapan Jehovapa yarpaynincho caycajcunami sharcamunga.

• Hechos 24:15

  Diosta reguejcuna y mana reguejcunapis cawarimungami.

• Isaías 40:26

  Lapan goyllarcunapa jutintapis Jehová yarpanmi, chaymi wanushgacunata sharcachiptenga lapan imano cashgantami yarpanga.

4 CIELUCHO CAWANAMPÄMI WAQUINCUNAGA SHARCAMUN

“Chaymanmi ñaupar aywashaj camariycänäpaj” (Juan 14:2).

Cielucho cawanampajga pïcunataj sharcamun?

• 1 Pedro 3:18

  Jesusmi puntata sharcushga cielucho cawanampa.

• Lucas 12:32

  Jesús wilacush cielucho cawanampajga walca cristianucunala sharcamunampa.

• Apocalipsis 14:1

  Jehovaga 144.000 cristianucunatami acrashga cielucho cawanampaj.