¿Jesuspa wanuyninta yarpänapaj alistacuycanquinacu?

Último caj Pascua fiestata Jesús rurashganga mana gongaypaj junajmi cargan. Ichiclachona wanunan captinmi, chay junajga apostulnincunawan juntacargan nircur mandacurgan chay junajta wata wata mana gongaypa yarpapäcunanpaj Señorpa Cenanta. Chaymi Pedruwan Juanta mandacurgan juc cuartucho lapanta camaripacunanpaj (Lu 22:7-13; garancho caycaj dibujuta ricäriy). Noganchipis alistacushwan 27 junaj marzo quillacho Jesuspa wanuyninta yarpänapaj. Ancianucunami acranga pï discursamunanpaj, tantawan vinuta alistacänanpaj y maspis. Noganchiga, ¿imatataj rurashwan chay junajpaj listo caycänapaj?

Shongunchita alistashun. Jesuspa wanuyninta yarpänapaj acracamushga textucuna semanapaj leishun y chayman yarpachacushun. Chay programataga tarishun Examinemos las Escrituras todos los días nishgan folletucho. Y Traducción del Nuevo Mundo Bibliapa apéndice B12 nishganchomi jina canmi 2020 abril quillacho yargamoj Imano yachacunapaj hojachopis. Jesús wanushganta familiayquiwan masta yachacuyta munarga, tarinqui Índice de las publicaciones Watch Tower y Guía de estudio para los testigos de Jehová nishganchomi.

Waquincunata invitashun. Jesuspa wanuyninta yarpänapaj shumaj calpachacushun pï maytapis invitanapaj. ¿Pïcunatataj? Bibliapita yachacuyta masta munajcunata, unay Bibliata estudiajcunata, familianchita y reguishganchicunata. Ancianucunaga manami gonganmanchu guepaman cutishga cristianucunata invitaytapis. Juclä marcacho pipis taraptinga, tarashgancho Jesuspa wanuyninta yarpänapaj, imay hora goricänanpaj internetcho jw.org paginacho tarinquiman. Chaypäga lapiriy NOGACUNAPITA cajcho, nircur “Yarpänapaj” cajcho.

¿Ima mastataj ruranquiman listo caycänayquipaj?