Guellay mana captinpis Diosman yäracur cushishga caway

Ushanan junajcunacho cawayga alapa sasami. Imaycacuna caycan. Y problemacunaga masraj miraycunga cay mundo ushacänanpaj más cercana captin. Öraga micunanchipäpis alapa mana cangachu y ima necesitashganchicunapis faltamäshunmi (Hab 3:16-18). ¿Imaraj yanapämäshun chaycuna pishimaptinchipis Diosman yäracuycarla caycänapaj? Ama gongashunchu Taytalanchi Jehová Dios yanapämänanchipaj. Payga aunimanchi amiguncunata cuidananpaj y necesitashgancunatapis camaripänanpaj (Sl 37:18, 19; Heb 13:5, 6).

¿Imataj gam ruranquiman?

• Jehovata ruwacuy pushashunayquipaj, yachayta goycushunayquipaj y yanapäshunayquipäpis (Sl 62:8).

• Unaycho mana rurashgayqui aruycunatapis ruranayquipaj listo caycanquiman (g-S 1/10 8, 9, recuadrucuna).

• Ama gongaychu Bibliata waran waran leinayquipaj, reuniuncunaman aywanayquipaj y predicanayquipäpis; chaycunata imapitapis más puntaman churanayqui.

CAY VIDEUTA RICÄRIY: MANA JUCHUCHICOJ WASITA SHARCACHISHUN. CANAN CHARASHGANCHICUNALAWAN CONTENTACUSHUN. NIRCUR CAY TAPUCUYCUNAPITA PARLACAMUY:

• ¿Ima sasacunapätaj chay familiacuna pasargan?

• ¿Imataj imapitapis más ali caycan cawayninchicho?

• ¿Imanotaj yanapashwan guellayraycur nacaycajcunata?