Imacunapita yachacunapaj

¿Imataj puntaman churashwan?

Öraga Bibliapita achcata yachacuyta munarpis, tiempunchi manami aypämanchichu. Chauraga, ¿imanoraj tiempunchita camacächishwan shumaj yachacunapaj? Imalatapis leirga, manami jucla leicacharir ushashwanchu, chaypa trucan walcalatapis leir shumajmi yachacunanchi.

Imacunata ruranayquipaj camacarcachiy (Efes. 5:15, 16). Caycunata ruranayqui:

Bibliata waran waran leircuy (Sal. 1:2). Galaycunayquipäga, ali canman semana pulancho caycaj reuniunpaj acracämushga textucunata leircuptiqui.
Semana ushaycho y pulan semanacho caycaj reuniuncunacho yachacunapaj cajcunapita yachacunquiman. Wilacamoj revistapita yachacur preparacunquiman comentamunayquipaj (Sal. 22:22).
Jucnin caj temacunapita yachacuyta munar, lapancunapaj chaylaraj yargamushga revistacunata leinquiman, videucunata ricanquiman y jw.org paginacho lapan yargamushga cajcunapitapis yachacunquiman.
Maslata yachacunayquipaj tiempuyqui captenga, capaz munashgayqui temapita maslata ashinquiman, imalapitapis tapucushgayquipita yachacunquiman o Bibliapita maygan temalatapis masraj tantiarcunayquipaj canman. Caytapis ricanquiman “Actividades para estudiar la Biblia”, cayga caycan jw.org paginacho.