¿Jas kraj ri Dios kqariqo?

PA RI periódicos, ri televisión, ri radio xuqujeʼ Internet, amaqʼel kbʼix noticias chrij kamisanik, elaqʼ, chʼoj xuqujeʼ terrorismo. Weneʼ at tajin kariq jun kʼax rumal jun yabʼil o xkam jun afamiliar che kaloqʼoqʼej.

Jun familia tajin kuta ri noticias pa jun radio

Chachomaj:

¿La are wariʼ kraj ri Dios chwe xuqujeʼ che ri nufamilia?
¿Jachiʼ kinriq wi tobʼanik chuwach ri kʼax?
¿La kopan na jun qʼij che kkʼojiʼ jamaril cho ri uwach Ulew?

Ri Biblia kuya respuestas che kukubʼsaj qakʼuʼx.

RI BIBLIA KUKʼUTU CHE RI DIOS KUBAN NA JEʼLALAJ TAQ JASTAQ

Ri winaq kkinaʼ ta chi kʼaxkʼolil, kerijobʼ ta chik xuqujeʼ kekam ta chik (Apocalipsis 21:4).
«Ri man tzʼaqat ta kaqan kiqʼabʼ kechʼopin na jachaʼ ri masat» (Isaías 35:6).
«Kekaʼy kʼu na ri moyabʼ» (Isaías 35:5).
Kekʼastaj na ri kaminaqibʼ (Juan 5:28, 29).
Kʼo ta chi jun kyawajik (Isaías 33:24).
Kʼo kʼi ktijowik (Salmo 72:16).

RI BIBLIA KKUNIK KATUTOʼ

Jun testigo rech Jehová tajin kuya jun etaʼmanik chrij ri Biblia che jun achi

Weneʼ kachomaj che ri xasikʼij kan pa ri nabʼe uxaq re wajun wuj riʼ xa jun achikʼ. Are kʼu ri Dios utzujum che naj ta chik kubʼan we jastaq riʼ cho ri uwach Ulew, xuqujeʼ ri Biblia kuya ubʼixik ri kubʼan che ubʼanik.

Ri Biblia xuqujeʼ kubʼij ri rajawaxik kqabʼano rech kojkikot kimik. Chatchoman chrij ri jastaq che kabʼisoj. Weneʼ kʼo kʼax pa ri afamilia, rukʼ ri pwaq, o ri yabʼil. O weneʼ katbʼison rumal ri ukamikal jun winaq che kaloqʼoqʼej. Ri Biblia kkunik katutoʼ chuwach ri e kʼax riʼ. Xuqujeʼ kkunik kukubʼsaj akʼuʼx rumal che kuya respuestas che ri preguntas riʼ:

¿Jasche kqariq kʼax?
¿Jas kqabʼan chuwach ri kʼax?
¿Jas kqabʼano rech kʼo kikotemal pa ri qafamilia?
¿Jas kqakʼulmaj chiʼ kojkamik?
¿La kojkunik kqil chi na jumul kiwach ri e qachalal che e kaminaq?
¿Jasche qas qetaʼm che ri Dios kubʼan na ronojel ri utzujum?

We tajin kasikʼij uwach wajun wuj riʼ, are rumal che kawaj kawetaʼmaj ri kukʼut ri Biblia. Rukʼ ri utobʼanik wajun wuj riʼ, katkunik kawetaʼmaj. Ri preguntas che rukʼam lo ri párrafos katutoʼ rech kachʼobʼ más ri kubʼij ri Biblia. E millones winaq utz kkilo kechʼaw chrij ri Biblia kukʼ ri testigos rech Jehová. Kqeyej che junam kachomaj. ¡Are bʼaʼ ri Dios ktewchiʼn ri chuqʼabʼ kakoj che uchʼobʼik ri kubʼij ri Biblia!

CHAWETAʼMAJ UKOJIK RI ABIBLIA

Pa ri Biblia kʼo 66 wuj, jachom uwach pa capítulos xuqujeʼ versículos. Wariʼ kubʼano che kʼax ta kqabʼan che uriqik jun texto. Are chiʼ kkoj jun texto re ri Biblia pa wajun wuj riʼ, nabʼe kʼo ri ubʼiʼ ri wuj re ri Biblia. Tekʼuriʼ kqariq jun número, che are ri capítulo. Xuqujeʼ kʼo kebʼ puntos, tekʼuriʼ kʼo chi jun número, che are ri versículo. Jun kʼutbʼal, «2 Timoteo 3:16» kraj kubʼij ri ukabʼ wuj che xtaq che Timoteo, capítulo 3, versículo 16.

We keʼatzukuj ri textos che e kʼo pa we wuj riʼ, kawetaʼmaj ukojik ri Biblia pa jubʼiqʼ tiempo. Xuqujeʼ utz kamaj usikʼixik uwach ri Biblia ronojel taq qʼij. We kasikʼij oxibʼ o jobʼ capítulos ronojel taq qʼij, katkunik kasikʼij uwach ronojel ri Biblia pa jun junabʼ.