KʼUTUNEM 6

Utz uqʼalajisaxik ri kubʼij ri e textos bíblicos

Juan 10:33-36

RESUMEN: Xaq xiw ta kasikʼij uwach jun texto tekʼuriʼ katqʼax chi pa jun chi kʼutunem. Qas chawilaʼ che ri e winaq kkilo che ri texto che xasikʼij uwach kʼo ubʼanik rukʼ ri kawaj kakʼut chkiwach.

JAS KBʼAN CHE UBʼANIK

Chakʼutuʼ ri e tzij che nim kibʼanik. Are chiʼ asikʼim chi uwach jun texto, chayaʼ uchuqʼabʼ ri e tzij che kʼo ubʼanik rukʼ ri pixabʼ che nim kibʼanik. Katkunik kabʼan wariʼ are chiʼ kakamulij ubʼixik ri pixabʼ nim ubʼanik o kabʼan jun pregunta che keʼutoʼ ri winaq che uchʼobʼik.

We kakamulij ubʼixik jun chomanik pa jun texto, qas chawilaʼ che ri kattatabʼenik kkil ri ubʼanik ri kubʼij ri Biblia rukʼ ri tajin kaya ubʼixik.
Chayaʼ uchuqʼabʼ ri tzij che nim ubʼanik. We are chiʼ majaʼ kasikʼij uwach jun texto chabʼij ri rumal che kasikʼij uwach, chaqʼalajisaj ri ubʼanik ri tzij re ri texto rukʼ ri kawaj kakʼutu.

Katzʼapij ta ri aBiblia are chiʼ kattzijon chrij ri kuya ubʼixik rech ri kattatabʼenik xuqujeʼ kkilo che pa ri Biblia kawesaj wi ri kakʼutu.
Chakojoʼ tzij che kʼax ta uchʼobʼik are chiʼ kattijonik. Kakoj ta tzij che kʼo ta ubʼanik rukʼ ri tajin kaya ubʼixik. Qas chawilaʼ jampaʼ tzij rajawaxik kakojo rech kaqʼalajisaj ri tajin kakʼutu xuqujeʼ ri ketaʼm chi ri kattatabʼenik chrij ri kʼutunem.