Chqakojoʼ qachuqʼabʼ rech kqatoʼ ri winaq rech keʼux ajtijoxelabʼ
1. ¿Jas kbʼanik rech kekolotaj ri winaq?
1 Ronojel ri chak xubʼan ri utinamit ri Dios pa ri junabʼ 2014 kukʼutu che tajin kutzijoj ri utzalaj taq tzij rech ri Ajawbʼal rukʼ kikotemal xuqujeʼ rukʼ chuqʼabʼ (Mat. 24:14). Rumal ri utzijoxik ri utzij ri Dios chuchiʼ taq ja, ri ujachik ri wuj rech sikʼinik xuqujeʼ ri ukojik carreta o mesas, kojkunik keqatoʼ e kʼi winaq rech kketaʼmaj chrij ri kubʼij ri Biblia. Are kʼu, rech kekolotajik, rajawaxik keqatoʼ rech keʼux ajtijoxelabʼ rech ri Jesús are chiʼ kqakʼut chkiwach ri qastzij che kʼo pa ri Biblia (1 Tim. 2:4).
2. ¿Jas preguntas kojutoʼ rech ksach ta chqe kqatzujuj chke ri winaq jun etaʼmanik chrij ri Biblia?
2 Masach chqe kqatzujuj jun etaʼmanik chrij ri Biblia. We jun winaq kraj kretaʼmaj más, ¿la kqakoj qachuqʼabʼ rech kqatzʼibʼaj ri ubʼiʼ, ri kel wi xuqujeʼ rech chanim kojtzalij chi rukʼ rech kqatzujuj jun etaʼmanik rech ri Biblia che? ¿La knaʼtaj chawe jampaʼ xakʼut chuwach jun winaq ri kqabʼan che uyaʼik jun etaʼmanik chrij ri Biblia pa ri nabʼe mul che xattzijon rukʼ? ¿Jampaʼ xatzujuj jun etaʼmanik chrij ri Biblia che jun winaq che kakʼam bʼi ri revista che? ¿La akʼutum ri videos ¿Jasche kqetaʼmaj chrij ri Biblia? xuqujeʼ ¿Jas ubʼanik ri tijonik chrij ri Utzij ri Dios? chke awachiʼl pa achak o pa tijobʼal, akʼulja, afamiliares xuqujeʼ chke nikʼaj chik che awetaʼm kiwach? Are chiʼ kqakoj jun mesa o jun carreta rech wuj, ¿la kqakoj qachuqʼabʼ che konojel ri winaq che kkikʼam bʼi ri wuj che kqakoj che etaʼmanik chrij ri Biblia kekunik kyaʼ jun etaʼmanik chke che tojom taj?
3. ¿Jas kajwataj chqe rech qas kojkunik kqakʼut ri qastzij chkiwach nikʼaj chik?
3 Utobʼanik ri Jehová xuqujeʼ ri Jesús. Are chiʼ ri Jesús xuya ri taqanik che kbʼan ajtijoxelabʼ, xukoj ri tzij «jix». Rukʼ wariʼ, xukʼutu che rajawaxik kqakoj qachuqʼabʼ xuqujeʼ keqatzukuj ri winaq. Are kʼu, xojuya ta kan qatukel. Xubʼij che kojutoʼ (Mat. 28:19, 20). Xuqujeʼ, Jehová xaq xiw ta kuya ri uxlabʼixel chqe xuqujeʼ ri chakubʼal xuqujeʼ kuya ri tijonik che kajwataj chqe rech kqakʼut ri qastzij chkiwach nikʼaj chik (Zac. 4:6; 2 Cor. 4:7). Kojkunik kqataʼ che ri Dios che kojutoʼ rech kqaj xuqujeʼ kojkunik kojtobʼan pa wajun chak che sibʼalaj nim ubʼanik (Filip. 2:13).
4. ¿Jasche kqakoj qachuqʼabʼ che kitoʼik ri winaq rech keʼux tijoxelabʼ?
4 Utzijoxik ri utzalaj taq tzij kubʼano che sibʼalaj kojkikotik. Are kʼu, we kojkunik kqatoʼ jun winaq rech kretaʼmaj ri qastzij xuqujeʼ kqatoʼ rech kbʼin qukʼ «pa ri bʼe ri kekʼaman bʼik pa ri kʼaslemal», knimar riʼ ri kikotemal kqariqo (Mat. 7:14; 1 Tes. 2:19, 20). Ri más nim ubʼanik, we kqakoj qachuqʼabʼ che kitoʼik ri winaq rech keʼux ajtijoxelabʼ, kqakikotemaj ri Jehová, che «man karaj taj chi kʼo jun kasach uwach, xaneʼ are karaj chi konojel kakiqʼex na kikʼuʼx» (2 Ped. 3:9).