«Andamos por fe, no por vista»
Chiʼ xa jubʼiqʼ chik kraj ksutix rij ri Jerusalén xuqujeʼ ksachisax uwach, ri apóstol Pablo xutzʼibʼaj chke ri cristianos che, utz taq terneʼl re ri Cristo, kkiriq na kʼax xuqujeʼ kkiya kan ri jastaq ke xuqujeʼ ri kkaj kkibʼano (2 Tim. 2:3, 4). Are chiʼ naqaj chi kʼo wi ri kʼax pa kiwiʼ ri winaq che naj e kʼo wi che ri Dios, rajawaxik che ko ri qakojonik rech kojkunik kojok il che ri qachilanik rukʼ ri Dios (2 Cor. 4:18; 5:7). Chawilaʼ ri video «Andamos por fe, no por vista», (che kʼo pa jw.org, pa ri sección PUBLICACIONES > DOCUMENTALES Y PELÍCULAS). Chatchoman chrij ri kichomanik Nadab xuqujeʼ Dévora chrij ri jastaq xubʼano che xekamik. Chqilaʼ jujun taq pregunta chrij wariʼ.
1) ¿Jas kraj kubʼij «ri tzʼilalaj etzelal ri awas ubʼanik pa ri qʼijilabʼal» pa ri nabʼe siglo, xuqujeʼ jas rajawaxik xkibʼan ri cristianos rech Jerusalén? (Mat. 24:15, 16). 2) ¿Jasche rajawaxik ko ri kikojonik rech keʼel bʼi pa ri tinamit? 3) ¿Jas rajawaxik xkiya kanoq? 4) ¿Jasche xebʼeyetaj ri Nadab xuqujeʼ Débora? (Mat. 24:17, 18). 5) ¿Jas chi jun kʼax xkiriq Raquel are chiʼ xkiya kan Jerusalén? (Mat. 10:34-37; Mar. 10:29, 30). 6) ¿Jas ri utzalaj kʼutbʼal chrij ri kojonik xuqujeʼ chrij ri kubʼsal kʼuʼx chrij ri Jehová xukʼut Jafet? 7) ¿Jas kʼax xkiriq ri cristianos are chiʼ xeʼopan pa Pela? 8) ¿Jasche xjorobʼ ri kikojonik Nadab xuqujeʼ Débora? 9) ¿Jas xubʼan ri Jehová che kitoʼik ri cristianos pa Pela? (Mat. 6:33; 1 Tim. 6:6-8). 10) ¿Jas kqabʼano rech kqabʼan qe ri xkibʼan Abrahán xuqujeʼ Sara chiʼ knaqajin ri ukʼisbʼal ri itzelal? (Heb. 11:8-10). 11) ¿Jasche xetzalij pa Jerusalén Nadab xuqujeʼ Débora, xuqujeʼ jasche utz ta ri kichomanik? (Luc. 21:21). 12) ¿Jas ubʼanik ri kʼaslemal pa Jerusalén are chiʼ Nadab xuqujeʼ Débora xeʼopan chi pa Jerusalén? 13) ¿Jasche utz che kqakowirisaj ri qakojonik kimik, are chiʼ majaʼ kopan ri kʼisbʼal? (Luc. 17:31, 32; 21:34-36).
Ko ri qakojonik kraj kubʼij 1) kqakubʼsaj qakʼuʼx chrij ri Jehová, 2) kqayaʼo che areʼ kukʼam qabʼe xuqujeʼ 3) nim kqil wi ri qachilanik rukʼ ri Dios chuwach ri jastaq. ¡Qonojel bʼaʼ chkʼol nim qakojonik xuqujeʼ chqabʼanaʼ ri kraj ri Dios! Junam rukʼ ri kubʼij pa 1 Juan 2:17, «ri uwachulew kokʼowik, xuqujeʼ ri rayibʼal ri kuyaʼ ri uwachulew kokʼowik. Apachin kʼu ri kubʼan ri urayibʼal ri Dios, are riʼ kakʼasiʼ amaqʼel chbʼe qʼij saq».