Are chiʼ jun akʼal kel loq

We kojtzijon rukʼ jun akʼal, rajawaxik kqataʼ che we e kʼo ri unan utat, rukʼ wariʼ kqakʼutu che nim kqil wi ri kitaqanik ri e unan utat (Pr 6:20). Weneʼ jun akʼal kubʼij chqe che kojok cho jaʼ, are utz che kojok taj. We ri unan utat kekun taj ketzijon qukʼ, kojtzalij chi pa jun qʼij.

Pa neʼ are jun ala chik, are utz che nabʼe kqataʼ che we kʼo ri unan utat. We latzʼ kiwach, chqataʼ che we ri unan utat kiyaʼom bʼe che rech kkunik kuchaʼ ri kusikʼij uwach. We yaʼom bʼe che, kojkunik kqaya jun wuj che xuqujeʼ kqakʼut ukojik jw.org chuwach.

Are chiʼ kojtzalij chi jumul che usolixik jun ala o jun ali che utz xril ri xqabʼij che, chqabʼij che, che kqaj kqetaʼmaj kiwach ri e unan utat. Xaq jeʼ wariʼ kqaya ubʼixik chke ri kinan kitat ri rumal che kojopan che kisolixik xuqujeʼ kqakʼut ri utz taq pixabʼ che kʼo pa ri Biblia chke ri e familias (Sl 119:86, 138). Ubʼanik wariʼ kqakʼutu che nim keqil ri e nan tat xuqujeʼ kojkunik kqaya ubʼixik ri utz taq tzij chke konojel ri familia pa jun qʼij chik (1Pe 2:12).