QAKʼASLEMAL RI OJ CRISTIANOS
¿Jampaʼ katkunik kabʼan ri precursorado auxiliar?
Ri ukʼutwachinik ri Ezequiel re ri loqʼalaj ja kukʼutu che ri utinamit ri Dios kuya na ri tabʼal toqʼobʼ. ¿Jas kojkunik kqabʼano oj che uyaʼik tabʼal toqʼobʼ re qʼijilanik? (Heb 13:15, 16).
Jun qas utz ubʼanik are ubʼanik ri precursorado auxiliar. Pa ri junabʼ re chak 2018 kʼo kʼi ikʼ che rukʼam lo jobʼ sábados o jobʼ domingos. Wariʼ keʼutoʼ ri kechakun ronojel qʼij xuqujeʼ kkiya ubʼixik ri utzij ri Dios pa ri kʼisbʼal qʼij re ri semana. Xuqujeʼ, ri e publicadores kekunik kkibʼan ri precursorado auxiliar re treinta horas pa ri ikʼ re marzo xuqujeʼ abril, xuqujeʼ pa ri ikʼ chiʼ kopan ri ajsolinel re circuito.
Are kʼu ¿we ri qakʼaslemal kuya ta chqe che kqabʼan ri precursorado auxiliar? We je ubʼanik waʼ, kʼo jun jastaq che kojkunik kqabʼano: qonojel kojkunik kqakoj qachuqʼabʼ che ubʼixik más chrij ri utzij ri Dios xuqujeʼ utz kqabʼan che ubʼixik. Apastaneʼ ri kojriqitaj wi, ri qaloqʼoqʼebʼal che ri Jehová kojutoʼ che ubʼanik ri utzalaj chak pa ri junabʼ re chak 2018 (Os 14:2).
¿Jas kinbʼan che resaxik uwach ri utzalaj chak che tajin kubʼan Sabina Hernández?
CHAWILAʼ RI VIDEO «WE SABINA KKUNIK, XUQUJEʼ OJ KOJKUNIK» XUQUJEʼ CHATZALIJ KIWACH RI E PREGUNTAS RIʼ:
¿Jas xtoʼw ri Sabina che xubʼan más nim che ri uchak che ri Jehová?
¿Jas katutoʼ wi ri ukʼutbʼal ri Sabina?
¿Jas ikʼ o e ikʼ katkunik kabʼan ri precursorado auxiliar pa ri junabʼ re chak 2018?