QAKʼASLEMAL RI OJ CRISTIANOS

Rech keʼux ajtijoxelabʼ, sibʼalaj rajawaxik ktzijox ri utzij ri Dios xuqujeʼ kyaʼ etaʼmanik

Jesús xeʼutaq ri e terneʼl rech, rech kebʼek xuqujeʼ kkitoʼ ri winaq rech keʼux ajtijoxelabʼ (Mt 28:19). Rech knimax wajun taqanik riʼ, rajawaxik ktzijox ri utzalaj taq tzij xuqujeʼ kyaʼ etaʼmanik. Jujun taq mul, qonojel rajawaxik kqachomaj: «¿Jas kinbʼano rech más utz kinbʼan che ri chak re ubʼanik ajtijoxelabʼ?».

RI UTZIJOXIK RI UTZIJ RI DIOS

Kqeyej taj che ri winaq keqebʼ qukʼ, are rajawaxik che oj kojtzijon kukʼ ri winaq xuqujeʼ keqatzukuj ri qas «taqal» chke (Mt 10:11). Are chiʼ kqatzijoj ri utzij ri Dios, ¿la kqakoj qachuqʼabʼ rech kojtzijon kukʼ ri winaq che xaq kʼateʼ kqariqo? (Hch 17:17). Lidia xux ajtijoxel rumal che ri apóstol Pablo xukoj uchuqʼabʼ che utzijoxik ri utzij ri Dios (Hch 16:13-15).

Samuel kuya jun wuj che Ezequiel. Solomon e ri Mary tajin kkitzijoj ri utzij ri Dios che Ezequiel xuqujeʼ Abigail — «Chajopij ri awijaʼ aqʼabʼil, xuqujeʼ chajopij bʼenaq qʼij» (Ec 11:6).

ARE CHIʼ IWILOM CHI RI VIDEO CHQAQʼALAJISAJ RI UTZ TAQ TZIJ «KQATANABʼA TAJ»: PA RI PREDICACIÓN INFORMAL XUQUJEʼ CHUCHIʼ TAQ JA, CHAYAʼ UBʼIXIK CHRIJ RI PREGUNTAS RIʼ:

¿Jas xubʼan ri Samuel che ukʼutik che pa ronojel tiempo xukoj uchuqʼabʼ che ujabʼuxik ri ijaʼ re ri qastzij?
¿Jasche rajawaxik kqakoj qachuqʼabʼ rech kqatzijoj ri utzij ri Dios pa ri jalajoj taq ubʼanik che kʼolik?
¿E jachin kukʼ kinkun wi kintzijon chrij ri Ajawbʼal are chi tajin kinbʼan ri jastaq we?

RI TIJONIK

Rech kqabʼan ajtijoxelabʼ, xaq xiw ta kqajach ri e wuj. Rech kkʼiy ri kikojonik ri winaq, rajawaxik kojbʼe che kisolixik xuqujeʼ kqaya etaʼmanik rech ri Biblia chke (1Co 3:6-9). Are kʼu ¿we ri chuqʼabʼ che kqakoj che ukʼutik chuwach jun winaq kuya ta uwachinik? (Mt 13:19-22). Rajawaxik che kqaya ta kan kitzukuxik ri e winaq che kʼo jun utzalaj kanimaʼ (Mt 13:23; Hch 13:48).

Ezequiel xuqujeʼ Abigail tajin kketaʼmaj chrij ri Biblia kukʼ Solomon xuqujeʼ Mary. Ezequiel xuqujeʼ Abigail pa ri predicación pública — «Ri in xintikonijik, ri Apolos xjaʼnik. Are kʼu ri Dios xkʼiyisanik» (1Co 3:6).

ARE CHIʼ IWILOM CHI RI VIDEO CHQAQʼALAJISAJ RI UTZ TAQ TZIJ «KQATANABʼA TAJ»: PA RI PREDICACIÓN PÚBLICA XUQUJEʼ ARE CHIʼ KQABʼAN AJTIJOXELABʼ, CHAYAʼ UBʼIXIK CHRIJ RI PREGUNTAS RIʼ:

¿Jas xkibʼan Solomon xuqujeʼ Mary che ujaʼxik ri ijaʼ re ri qastzij che xkitik kan pa kanimaʼ ri Ezequiel xuqujeʼ Abigail?
¿Jas chomanik rajawaxik kkʼojiʼ qukʼ are chiʼ kojtobʼan pa ri jalajoj taq ubʼixik ri utzalaj taq tzij, xuqujeʼ pa ri predicación pública?
¿Jas rajawaxik kqabʼano rech kqakʼutu che ri tijonik chrij ri qastzij are ri chak más nim ubʼanik chqawach?