Chqabʼanaʼ sibʼalaj utz che ri qachak: Cheʼatoʼ ri kʼo jun utz kanimaʼ rech keʼux ajtijoxelabʼ

JASCHE NIM UBʼANIK. Are Jehová kbʼanowik che kkʼiy ri qastzij pa kanimaʼ ri e winaq che utz kkita ri Utzij (Hch 13:48; 1Co 3:7). Kojtobʼan rukʼ are chiʼ keqatoʼ ri e winaq che kkaj kkibʼan pa kikʼaslemal ri kketaʼmaj (1Co 9:26). Rajawaxik che ri e winaq riʼ kketaʼmaj che, we kkaj kekolotajik, nabʼe kkibʼan kiqasanjaʼ (1Pe 3:21). Rech ri e winaq che tajin kketaʼmaj chrij ri Biblia keʼux ajtijoxelabʼ, rajawaxik keqatoʼ rech kkikʼex kikʼaslemal, kkitzijoj ri utzij ri Dios xuqujeʼ kkikʼut chkiwach nikʼaj winaq chik, xuqujeʼ ujachik ri kikʼaslemal che Jehová (Mt 28:19, 20).

¿JAS KQABAN CHE UBANIK?

• Chanaʼtasaj chke ri awajtijoxelabʼ che ri rumal che kyaʼ tijonik chrij ri Biblia are che kkichʼobʼ uwach xuqujeʼ keqaj chuwach ri Jehová (Jn 17:3).

• Rech kubʼan ko ri kikojonik, cheʼatoʼ che uqʼaxexik ri kʼax kkiriqo junam rukʼ ri e jastaq che utz taj che e naqʼatal che ubʼanik xuqujeʼ ri itzel taq achilanik.

• Cheʼatoʼ xuqujeʼ chayaʼ kichuqʼabʼ are chiʼ majaʼ kkibʼan kiqasanjaʼ xuqujeʼ are chiʼ kibʼanom chik (Hch 14:22).

ARE CHIʼ AWILOM CHI RI VIDEO JEHOVA KATUTOʼ, CHAYAʼ UBʼIXIK CHRIJ RI E PREGUNTAS RIʼ:

• ¿Jas jastaq kbʼanowik che jun winaq kujach ta ri ukʼaslemal che Jehová xuqujeʼ kubʼan ta uqasanjaʼ?

• ¿Jas kkibʼan ri e ajkʼamal bʼe che kitoʼik ri e ajtijoxelabʼ re ri Biblia rech knimar ri kikojonik?

• ¿Jas kukʼut chqawach Isaías 41:10 chrij Jehová?

• ¿Jas bʼantajik kqaj chuwach ri Jehová kojutoʼ che upatanexik pa neʼ oj ajmakibʼ?