¿Jas kqabʼan che kikojik ri alaj taq wuj rech kqamaj tzijonem kukʼ ri winaq?

Xumaj lo pa enero 2018, pa ri nabʼe uxaq ri Wuj re chak e kʼo kʼutbʼal rech kqamaj tzijonem kukʼ ri winaq. Bʼim chqe che are utz kojtzijon kukʼ ri winaq xaq xiw ta keqajach ri wuj. Rech kojkunik kqabʼan wariʼ, ri videos re ri «E kʼutbʼal re tzijonem» kikʼutum chqawach ri kqabʼan che ukojik ri Biblia rech kojtzijon kukʼ ri winaq. Are kʼu, wariʼ kraj taj kubʼij che utz taj keqakoj ri wuj. Jun kʼutbʼal, kojkunik keqakoj ri alaj taq wuj rech kojtzijon kukʼ ri winaq. Are chiʼ keqakojo kojkunik kqabʼan wariʼ:

1. Kqabʼan ri pregunta che kʼo chuwach ri wuj xuqujeʼ kqabʼij che ri winaq che kubʼij jun chke ri respuestas.

2. Kqasikʼij uwach ri texto che kʼo chupam ri wuj. We kʼo utiempo ri winaq, kqasikʼij uwach xuqujeʼ kqanikʼoj ri kʼo chupam ri wuj.

3. Kqaya ri alaj wuj che ri winaq xuqujeʼ kqabʼij che, che kutas utiempo rech kusikʼij uwach.

4. Kqakʼut kan ri pregunta chuwach ri winaq are chiʼ majaʼ kqatanabʼaʼ tzij rukʼ, ri kʼo pa ri kʼisbʼal uxaq che kʼo chuxeʼ ri tzij «Chachomaj» xuqujeʼ kqabʼij che, che kqakʼut chuwach pa jun chi qʼij.

Are chiʼ kojtzalij rukʼ ri winaq, chqanikʼoj ri urespuesta rukʼ xuqujeʼ chqayaʼ chi kan jun pregunta. Kojkunik kqatzukuj jun pregunta pa ri qakʼolbʼal pa Internet o pa ri wuj che kʼo pa ri kʼisbʼal uxaq ri alaj wuj che xqaya che ri winaq. We kqilo che ri winaq utz kril ri tajin kqakʼut chuwach, chqatzujuj ri wuj Kbʼix utz jastaq rech ri Ajawaxel che o apachike wuj che kʼo pa ri chakubʼal re tijonik che kqakoj che uyaʼik tijonik.