Ri kibʼantajik ri e kʼakʼ alaj taq wuj
1. ¿Jas wuj kʼakʼ chi ri ubʼanik xuqujeʼ sibʼalaj jeʼlik?
1 Pa ri nim riqbʼal ibʼ rech oxibʼ qʼij kech ri testigos rech Jehová 2013 ubʼiʼ «¡Ri Utzij ri Dios are ri qastzij!» xyaʼ jobʼ alaj taq wuj, xuqujeʼ Ri kuya ubʼixik ri Ajawbʼal número 38, ubʼiʼ ¿La kekʼastaj na ri kaminaqibʼ? Ri e waqibʼ wuj riʼ kʼakʼ ri kibʼantajik xuqujeʼ sibʼalaj jeʼlik. ¿Jasche xbʼan kʼakʼ che? ¿Jas kqabʼan che ukojik ri kʼakʼ ubʼantajik are taq chiʼ kqakʼam bʼi chuchiʼ taq ja?
2. ¿Jas kubʼan ri kʼakʼ ubʼantajik ri alaj taq wuj che qatoʼik?
2 ¿Jasche kʼakʼ chi ri ubʼantajik? Are utz che kbʼan waʼ ri kajibʼ jastaq riʼ rech utz kqabʼan che uyaʼik kan chuchiʼ taq ja: 1) kataʼ che ri winaq ri kuchomaj rech kamaj ri tzijonem, 2) kakʼut ri kubʼij ri Biblia chuwach, 3) kataʼ che ri winaq we kraj kusikʼij uwach jun wuj xuqujeʼ 4) kabʼan jun pregunta che rech kattzalij chi rukʼ xuqujeʼ utz che kachomaj jampaʼ kattzalij chi rukʼ ri winaq. Ri e kʼakʼ ubʼantajik ri alaj taq wuj kojkitoʼ che ubʼanik waʼ kajibʼ jastaq riʼ.
3. ¿Jas kqabʼan che ukojik ri kʼakʼ alaj taq wuj chuchiʼ taq ja?
3 ¿Jas kqabʼan che ukojik? Chiʼ qayaʼom chiʼ rutzil uwach ri winaq, kojkunik kqabʼij waʼ che 1) kqakʼut ri pregunta che kʼo pa ri nabʼe uxabʼ ri wuj chuwach xuqujeʼ kqataʼ che ri kuchomaj chrij, 2) chqakʼutuʼ xuqujeʼ chojtzijon chirij ri jupaj tzij che kubʼij «Ri kubʼij ri Utzij ri Dios.» Xuqujeʼ kuya kqasikʼij ri texto chuwach pa ri Biblia, we kuya, xuqujeʼ we ri winaq kʼo utiempo, utz che kqil ri kubʼij «ri kubʼan pa akʼaslemal», 3) chqataʼ che we kraj kusikʼij uwach ri wuj rech kukʼis usikʼixik are taq kkunik, 4) chqakʼutuʼ kan ri preguntas pa ri kʼisbʼal uxaq, che kubʼij «chachomaj» xuqujeʼ chqilaʼ jas qʼij kuya kojtzalij rukʼ rech kqil ri kubʼij pa ri Biblia chrij ri pregunta.
4. ¿Jas kqabʼan che ukojik ri alaj wuj chi kojbʼe chi che usolixik jun winaq?
4 Xuquje kʼax ta ukojik ri alaj wuj chiʼ kqasolij chi jun mul jun winaq. Xaq xiw kqakoj ri textos rech ri Biblia che kʼo pa ri kʼisbʼal uxaq rech kqabʼij ri kraj kubʼij ri pregunta che qabʼim kan che ri winaq xuqujeʼ kuya kqakʼut ri wuj ubʼiʼ Kbʼix utz jastaq rech ri Ajawaxel che kutzujuj ri alaj wuj. Utz che kqakʼut wajun wuj riʼ chuwach xuqujeʼ kqakʼut ri kʼutunem che kchʼaw chrij ri tajin kqakʼut chuwach ri winaq, xuqujeʼ kuya kqataʼ che we kraj kusikʼij uwach. We kukʼam kanoq kqachomaj riʼ jas qʼij kojtzalij rukʼ rech kqasikʼij uwach rukʼ. Weneʼ rukʼ waʼ kqamajij utijoxik chrij ri Utzij ri Dios. We kqaya ta kan ri folleto, utz kqaya chi kan jun alaj wuj che xuqujeʼ kqabʼij che, che kojtzalij rukʼ che rilik.
5. ¿Jasche utz kekoj ri alaj taq wuj che ubʼixik ri utzij ri Dios?
5 Tajin kqakoj alaj taq wuj che utzijoxik ri utzij ri Dios pa más chi 130 junabʼ. Kʼi taq mul kʼexom ri ubʼantajik xuqujeʼ ri unimal, are kʼu qas jun utzalaj chakubʼal rech kqatzijoj ri utzij ri Dios. Utz chqabʼanaʼ che ukojik ri kʼakʼ ubʼantajik ri wuj rech kqajabʼuj más ri etaʼmanik chrij ri Utzij ri Dios pa ronojel ri uwach Ulew (Prov. 15:7a).