¿Jas rajawaxik kkibʼan ri e kʼulaj rech kkiloqʼoqʼej más kibʼ?

Abrahán xuqujeʼ Sara xkiloqʼoqʼej xuqujeʼ nim xkil wi kibʼ (Gé 12:11-13; 1Pe 3:6). Paneʼ e tzʼaqat taj, xuqujeʼ xkiriq kʼi taq kʼax. E jun utzalaj kʼutbʼal, ¿jas kketaʼmaj ri e kʼulanik chkij?

Sibʼalaj nim upatan ri tzijonem pa ri kʼulanem. Chakojoʼ achuqʼabʼ rech utz utzalixik uwach ri utzij ri akʼulaj kabʼano, are chiʼ petinaq royowal xuqujeʼ utz ta achʼabʼexik kubʼano (Gé 16:5, 6). Chitasaʼ itiempo rech junam kixkʼojiʼk. Chikʼutuʼ rukʼ ri itzij xuqujeʼ ri kibʼano che kiloqʼoqʼej iwibʼ. Xuqujeʼ, ri más nim upatan, chnaʼtaj ri Jehová chiwe: chisikʼij uwach ri Biblia, chibʼanaʼ ichʼawem xuqujeʼ junam chipatanij ri Jehová (Ec 4:12). Ri e utzalaj kʼulanem kkiya uqʼij ri Jehová, rumal che areʼ xbʼanowik.

ARE CHIʼ AWILOM CHI RI VIDEO ¿JAS KBʼANIK RECH KʼO LOQʼOQʼEBʼAL PA RI KʼULANEM?, CHATZALIJ UWACH RI PREGUNTAS RIʼ:

• ¿Jas xkʼutuwik che Shaan xuqujeʼ Kiara utz ta chi tajin kel ri kikʼulanem?

• ¿Jasche sibʼalaj nim upatan che ri e kʼulaj ketzijon rukʼ ronojel kanimaʼ?

• ¿Jas tobʼanik xuya chke Shaan xuqujeʼ Kiara ri kikʼutbʼal ri Abrahán xuqujeʼ Sara?

• ¿Jas xkibʼan Shaan xuqujeʼ Kiara rech xeʼutzir pa ri kikʼulanem?

• ¿Jasche ri e kʼulanik rajawaxik kkichʼobʼo che kʼo kʼax kkiriq pa ri kikʼulanem?