¿Jas kqetaʼmaj kukʼ ri qachalal che kʼo nim ketaʼmabʼal?

Pa ri qacongregación e kʼo qachalal che ojer chik kimajim lo upatanixik ri Jehová. Sibʼalaj kʼi kqetaʼmaj chkij ri qachalal che kikubʼsam kikʼuʼx chrij ri Jehová. Kojkunik kqataʼ chke ri ubʼanik ri utinamit ri Dios ojer kanoq xuqujeʼ ri kʼax che kichʼijom rukʼ ri utobʼanik ri Jehová. Utz we kqabʼan invitar jun qachalal pa ri qaqʼijilanik pa ri familia rech kubʼij chqe ri ukʼulmam.

We kʼi chi junabʼ tajin kapatanij ri Jehová, chabʼij chke ri alabʼom alitomabʼ ri akʼulmam. Jacob xuqujeʼ José xkibʼij chke ri kalkʼwal ri ubʼanom ri Jehová che kitoʼik (Gé 48:21, 22; 50:24, 25). Are chiʼ qʼaxinaq chi ri tiempo, ri Jehová xubʼij chke ri tat nan che kkibʼij chke ri kalkʼwal ri mayibʼal taq jastaq che ubʼanom ri Jehová (Dt 4:9, 10; Sl 78:4-7). Kimik, ri e tat nan xuqujeʼ nikʼaj chi cristianos che e kʼo pa ri congregación kekunik kkibʼij chke ri alabʼom alitomabʼ ri mayibʼalalaj taq jastaq che ubʼanom ri Jehová rumal ri utinamit.

ARE CHIʼ AWILOM CHI RI VIDEO KUKʼAʼM KIBʼ PANEʼ KETERENEʼX RUKʼ ITZELAL, CHATZALIJ KIWACH RI PREGUNTAS RIʼ:

• ¿Jas xubʼan ri sucursal re Austria che kitoʼik ri qachalal che e kʼo pa taq tinamit ri qʼatem wi uwach ri qachak?

• ¿Jas xkibʼan ri qachalal riʼ rech xubʼan más ko ri kikojonik?

• ¿Jasche e kʼi qachalal xkitas kibʼ che ri utinamit ri Jehová pa Rumania, xuqujeʼ jas xbʼanow chke rech xetzalij chi loq?

• ¿Jas kubʼan wajun video riʼ che ukowirisaxik ri akojonik?