5-11 RE AGOSTO

SALMOS 70-72

Bʼixonem 59 xuqujeʼ chʼawem | Nabʼe taq tzij (1 min.)

QʼINOMAL RE RI UTZIJ RI DIOS

1. Chatchʼaw chrij ri uchuqʼabʼ ri Dios chke ri awalkʼwal

(10 mins.)

Ri David xrilo are chiʼ xchajix rumal ri Jehová are chiʼ ala na (Sl 71:5; w99 1/9 18 párr. 17).

Ri David xrilo che xchajix rumal ri Jehová are chiʼ nim chi ujunabʼ (Sl 71:9; g04 8/10 23 párr. 3).

Ri David xutzijoj chke ri alabʼom alitomabʼ ri xukʼulmaj pa ri ukʼaslemal rech keʼutoʼo (Sl 71:17, 18; w14 15/1 23 párrs. 4, 5).

Wachbʼal re ri familia re ri jun semana kanoq «Tobʼanik rech rukʼ kikotemal kbʼan ri qʼijilanik pa ri familia». E kʼo jun kʼulaj kukʼ che nim chi kijunabʼ pa ri qʼijilanik re familia. Rukʼ kikotemal tajin kkitzijoj ri kiʼexperiencia chke y tajin kkikʼut fotos chkiwach.

CHACHOMAJ: «¿Jachin chke ri qachalal re ri congregación kwaj kinbʼan entrevistar pa ri nuqʼijilanik re familia?».

2. Jeʼlalaj taq pixabʼ

(10 mins.)

Sl 72:8. Pa ri tiempo che xuqʼat tzij ri Salomón, ¿jas xbʼan che utzʼaqatisaxik ri xutzujuj ri Jehová che ri Abrahán pa Génesis 15:18? (it-1 883).

Respuesta
¿Jas xawetaʼmaj pa ri capítulos re wajun semana riʼ?

Respuesta

3. Usikʼixik uwach ri Biblia

(4 mins.) Sl 71:1-24 (th kʼutunem 5).

CHOJUX MÁS UTZ AJTIJABʼ

4. Chamajij tzijonem

(3 mins.) CHO TAQ JA. Are chiʼ ri winaq kumaj ayajik, rukʼ utzilal chayaʼ kan tzijonem rukʼ (lmd kʼutunem 4 punto 5).

5. Chattzalij chi jumul rukʼ ri winaq

(4 mins.) PREDICACIÓN INFORMAL. Chabʼij chi jumul che jun afamiliar we kraj kaya jun etaʼmanik re ri Biblia che (lmd kʼutunem 8 punto 4).

6. Chaqʼalajisaj ri akojonik

(5 mins.) Chʼabʼal. ijwfq-S 49. Ubʼiʼ: ¿Jasche ri testigos rech Jehová kikʼexom jujun che ri kekojon chrij? (th kʼutunem 17).

QAKʼASLEMAL RI OJ CRISTIANOS

Bʼixonem 76

7. Chomanik che utz kkoj pa ri qʼijilanik re ri familia

(15 mins.) Rilik kukʼ ri qachalal.

Ri familia re ri nabʼe wachbʼal kanoq e takʼalik y tajin kebʼixonik.

Ri familia tajin kkil jun programa re JW Broadcasting.

Pa ri qʼijilanik re familia, ri nan y ri ral ali tajin kkibʼan jun ensayo.

Ri qʼijilanik pa ri familia ktobʼan chke ri akʼalabʼ rech más nim kkil ri upixabʼ y ri utijonik ri Jehová (Ef 6:4). Kajwataj chuqʼabʼ rech ketaʼmax chrij ri Biblia, are kʼu rajawaxik kbʼan rukʼ kikotemal más na are chiʼ ri akʼalabʼ kajwataj chke kketaʼmaj chrij ri Biblia (Jn 6:27; 1Pe 2:2). Chattzijon chrij ri recuadro «Chomanik che utz kkoj pa ri qʼijilanik re ri familia», jawiʼ ri e tat nan kkiriq tobʼanik rech kekikot pa ri kiqʼijilanik re familia y kekitijoj ri kalkʼwal. Tekʼuriʼ chabʼanaʼ ri preguntas riʼ:

¿Jachin chke wariʼ kiwaj kibʼano?

Respuesta
¿La kʼo jun chi chomanik che nim ix utoʼm wi?

Respuesta

CHOMANIK CHE UTZ KKOJ PA RI QʼIJILANIK RE RI FAMILIA

RI BIBLIA

Chitatabʼej ri Biblia pa audio o chikʼexaʼ iwibʼ che usikʼixik. Chkijujunal ri familia kekunik kkisikʼij ri kkibʼij ri personajes.
Chatzukuj preguntas chrij ri capítulos re ri Biblia che ksikʼix pa ri semana, y chkijujunal chkichaʼ jun che ri pregunta y chkitzukuj más información chrij. Tekʼuriʼ kixkunik kixtzijon chrij pa ri qʼijilanik re familia.
Chabʼanaʼ jun pregunta y chijujunal chitzukuj pa Textos bíblicos para la vida cristiana pixabʼ che kixkunik kikoj pa ri ikʼaslemal.
Chibʼanaʼ escenificaciones chrij ri kikʼaslemal ri winaq che e kʼo pa ri Biblia.
Ronojel taq semanas chibʼanaʼ tarjetas (flash card) chitzʼibʼaj jun texto re ri Biblia chupam —che kʼo pa ri apéndice A re ri folleto Ubʼanik tijoxelabʼ: Jun chak re loqʼoqʼebʼal— y chikojoʼ ichuqʼabʼ rech kkanaj kan pa ijolom. Chiwilaʼ chi jumul ri tarjetas che ibʼanom kanoq.
Chinikʼoj jun kʼutunem o jujun puntos pa ri wuj Kʼaslemal kʼo ta ukʼisik.
Chabʼij che jun chke ri afamilia che kchʼaw chrij jun kʼutunem re ri secciones «Preguntas sobre la Biblia» o «Textos bíblicos explicados», che e kʼo pa ri pestaña «ENSEÑANZAS BÍBLICAS» re jw.org.

RI E RIQBʼAL IBʼ

Chitijoj iwibʼ chrij jun riqbʼal ibʼ.
Chitzukuj ri icomentarios y chitijoj iwibʼ chrij. Chiwilaʼ jampaʼ tiempo kuchʼij ri icomentarios.
Chitijoj iwibʼ chke ri bʼixonem.
Chichomaj ri kixkunik kibʼij che jun qachalal rech kiya uchuqʼabʼ o kikubʼsaj ukʼuʼx are chiʼ kiwil uwach pa ri jun chi riqbʼal ibʼ.
We jun chiwe yaʼom jun asignación pa ri riqbʼal ibʼ chuxoʼl taq qʼij, utz kukʼut pa ri qʼijilanik re ri familia ri kubʼan che.

RI UTZIJOXIK RI UTZIJ RI DIOS

Chitijoj iwibʼ che utzijoxik ri utzij ri Dios cho taq ja.
Chitijoj iwibʼ chrij ri kbʼan che usolixik jun winaq.
Chixchoman chrij ri kibʼij che ri winaq we kiriq pa ri bʼe y chitijoj iwibʼ rech rukʼ ronojel iwanimaʼ kixtzijon rukʼ.
Chixchʼaw chrij we kixkunik kitzijoj ri utzij ri Dios are chiʼ kopan ri Conmemoración o pa ri vacaciones.

RI KAJWATAJ CHE RI FAMILIA

Chiwilaʼ jas kibʼan chuwach jun kʼax che xikʼulmaj o weneʼ kikʼulmaj na, junam rukʼ ri bullying, ri noviazgo, ri e nimaqʼij y chrij ri e kʼax che kiriq pa ri ikojonik.
Ri akʼalabʼ kkibʼan investigar jun kʼutunem. Ri e tat nan keʼux jetaneʼ ri akʼalabʼ y ri akʼalabʼ keʼux jetaneʼ ri e tat nan. Je wariʼ ri akʼalabʼ kkiqʼalajisaj chkiwach ri kitat kinan ri xketaʼmaj.

MÁS TOBʼANIK

Chiwilaʼ jun programa re JW Broadcasting^® y chixtzijon chrij ri xiwetaʼmaj.
Chiwilaʼ jun kʼutunem o jun video re jw.org y chixtzijon chrij.
Chiwilaʼ jun kʼutunem re ri secciones «Adolescentes y jóvenes adultos» o «Akʼalabʼ», pa ri pestaña «ENSEÑANZAS BÍBLICAS» re jw.org.
Chiwilaʼ chi jumul ri xitzʼibʼaj pa jun nim riqbʼal ibʼ.
Chiwilaʼ y chibʼanaʼ investigar ri jastaq che ubʼanom ri Dios y chixchʼaw chrij ri kukʼut chiwach chrij ri Jehová.
We kixkunik chisikʼij pa ri iqʼijilanik re familia jun qachalal achi o ixoq y chibʼanaʼ entrevistar.
Chixchoman chrij jujun metas y chiwilaʼ ri kibʼano rech kixkun che ubʼanik.
Junam chibʼanaʼ jun maqueta, jun mapa, jun tabla o jun gráfico.

Chakojoʼ ri VIDEO Amaqʼel utz chibʼanaʼ che ri iqʼijilanik pa ri familia. Tekʼuriʼ chabʼanaʼ ri pregunta riʼ:

¿Jas kubʼan ri achajil rech ri rixoqil kkikot pa ri qʼijilanik re familia are chiʼ kʼo ta kalkʼwal?

Respuesta

8. Etaʼmabʼal chrij ri Biblia rech ri congregación

(30 mins.) bt kʼutunem 13 párrs. 17-24.