Jupuq 1

Kmajtaj rukʼ ronojel ubʼanom ri Ajawaxel, kopan pa ri bʼantajik rech ri nimalaj jabʼ

¿Jachin xubʼan ri kaj xuqujeʼ ruwäch Ulew? ¿Chin xeʼubʼan ri qʼij, ri ikʼ e ri täq chʼumil, xuqujeʼ ronojel ri nikʼaj chik täq e kʼo cho ruwäch Ulew? Ri Loqʼalaj Pixabʼ (Biblia) are qas kubʼij chaqe chin xeʼubʼano, chiʼ chupam kubʼij che ronojel xbʼan rumal ri Ajawaxel (Dios). Rumal waʼ wajun qawuj kmajtaj rukʼ täq bʼantajik rech ronojel ri bʼanom.

Kqetaʼmaj che ri Ajawaxel nabʼe xeʼubʼan täq ángeles. Ruwäch Ulew xbʼanik kech ri winaq. Rumal waʼ, ri Ajawaxel xubʼan ri achi ubʼiʼ Adán rukʼ ri nabʼe ixoq ubʼiʼ Eva tekʼuriʼ xeʼuya pa jun kotzʼiʼjalaj Ulew (paraíso). E jokʼlaj xkeya kan ubʼanik su täq ubʼim ri Ajawaxel, xa rumal waʼ che xesax ri utzalaj kikʼaslemal.

Majtajnaq lo chiʼ xbʼan ri Adán tekʼuriʼ kʼisnaq pa ri Nimalaj Jabʼ (Diluvio), chupam wariʼ xqʼax 1.656 junabʼ. Chupam we täq junabʼ xekʼaseʼ e kʼi itzel täq winaq. Pa ri kaj ojer, e kʼo ri Satanás kukʼ ri itzel täq uʼangeles, wanikʼaj riʼ kojkun täj kqilo. Cho ruwäch Ulew, xekʼaseʼ Caín xuqujeʼ e kʼi nikʼaj chik itzel täq winaq, che kixoʼl wanikʼaj riʼ e kʼo nikʼaj achijabʼ che e jun wi kekaʼyik rumal che nim kichoqʼabʼ. Xuqujeʼ xekʼaseʼ e utz täq winaq cho ruwäch Ulew... Abel, Enoc xuqujeʼ Noé. Pa we NABʼE Jupuq täq bʼantajik, kqasikʼij uwäch ronojel su täq xkebʼan täq winaq riʼ.